ཨ་རིའི་རླུང་འཕྲིན་ཁང་།

>

བོད་དུ་སྐྱེས་ཤིང་ཨ་མེ་རི་ཀར་གནས་སྡོད་བོད་མི་དོན་འགྲུབ་ཚེ་རིང་ལགས་ཀྱིས། བོད་ཀྱི་ཁ་ཟས་སྦྲང་དཀར་རྩམ་པ་དྲ་ལམ་ནས་ཚོང་འགྲེམས་བྱ་རྒྱུ་འགོ་བཙུགས་ཏེ། རིམ་བཞིན་ཁོང་གིས་རྩམ་པ་གཞི་ལ་བཞག་པའི་ཐོན་རྫས་གསར་བ་བཟོ་བསྐྲུན་བྱས་ རྩམ་པའི་བྲོ་ཁ་ཞེས་པའི ཞོར་ཟས་འདྲ་མིན་ཨ་རིའི་བཟའ་བཅའ་ཚོང་ཁང་ཁག་གི་ལྷད་མ་འདྲེས་པའི་ཟས་རིགས་སྡེ་ཚན་དུ་ཚོང་འགྲེམས་བྱེད་བཞིན་ཡོད།

http://www.voatibetan.com/media/video/web-tv/1967383.html?z=3378&zp=1

Advertisements

རྩམ་ཞུན

རྩམ་ཞུན་ནི། མར་བཞུས་པའི་ནང་རྩམ་པ་དང༌། ཀ་ར་ཕྱེ་མ། ཆུར་བ་སོགས་བསྡེབས་གཅིག་ཏུ་བརྒྱབ་ཏེ། སྡེར་མ་དང་དཀར་ཡོལ་སོགས་སྣོད་གང་རུང་ནང་བླུགས་ཏེ་སྐགས་བཅུག་པའི་ཟས་རིགས་ཤིག་ཡིན་ཞིང༌། ཞུན་ནི་དུས་རྒྱུན་སྤྱོད་པའི་ཁ་ཟས་ཤིག་མིན་པར་ལོ་གསར་དང༌། གཉེན་སྟོན་སོགས་ཀྱི་མཛད་སྒོའི་སྐབས་སྤྱོད་པའི་ཟས་རིགས་དམིགས་བསལ་བ་ཞིག་ཡིན་ལ། ལྷག་པར་དུ་ལོ་གསར་སྐབས་ཀྱི་ཟས་སྣ་ལེགས་ཤོས་ཤིག་ཡིན་པ་མ་ཟད། སྐུ་མགྲོན་ལ་འབུལ་བའི་ལག་སྐྱེས་གལ་ཆེན་ཞིག་ཀྱང་ཡིན། ཨ་མདོའི་ཡུལ་དུ་ཞུན་གྱི་ཐོག་གསེར་ཁ་ཞེས་མར་བཞུས་ཏེ་སྲབ་ཙམ་བླུགས་ཤིང༌། དེའི་སྟེང་ཤིང་ཏོག་དང་བྱུ་རིལ་སོགས་ཀྱི་ཕྲ་རྒྱན་མཛེས་པར་བཀོད་སྲོལ་ཡོད། གཞན་ཞུན་ལ་གྲོ་མ་འཐག་སྟེ་བླུགས་པའི་གྲོ་ཞུན་དང༌། གྲོ་ཕྱེ་ཡིས་བླུགས་པའི་ཕྱེ་ཞུན་བཅས་རིགས་འགའ་ཤས་ཡོད།

རྩམ་ཐུག

རྩམ་ཐུག་ནི། སྔོ་ཚད་སོགས་གཏུབ་སྟེ་ཆུའི་ནང་བཙོས་རྗེས་ནང་དུ་རྩམ་པ་བླུགས་ཤིང་བསྐོལ་ནས་བཏུང་བའི་ཟས་རིགས་ཤིག་སྟེ། ཟས་རིགས་དེ་ནི་བོད་ཡུལ་སྤྱི་ཁྱབ་ཏུ་སྤྱོད་སྲོལ་མེད་པར། མདོ་སྨད་ཀྱི་ས་ཁུལ་འགའ་དང་གཙང་ཁུལ་གྱི་ས་ཆ་འགར་བཀོལ་སྤྱོད་བྱེད་ཀྱིན་ཡོད་ལ། དེར་རྩམ་ཐུག་ཅེས་བརྗོད་ཀྱི་ཡོད།

tsampthuk

རྩམ་ཉོག

རྩམ་ཉོག་ནི། ཆུའི་ནང་དུ་ཤ་འཐག་སྟེ་བཏབ་ཅིང་དེའི་ནང་རྩམ་པ་བླུགས་ཏེ་གཡོས་སྦྱོར་བྱས་པའི་ཟས་རིགས་ཤིག་སྟེ། དཀར་ཡོལ་ནང་བླུགས་རྗེས་དཀྱིལ་དབུས་སུ་མར་བཞག་ནས་དེ་དང་སྡེབ་ནས་ཟོས་ན་བྲོ་བ་དམིགས་བསལ་དང་ལྡན་པ་ཞིག་ཡིན་ལ། སྤྱོད་ཁྱབ་ཀྱི་ཆ་ནས་ཨ་མདོའི་ས་ཁུལ་འགའ་ཞིག་ཏུ་སྤྱོད་ཀྱི་ཡོད།

སྐྱོ་མ།

སྐྱོ་མ་ནི། རྩམ་པས་བཟོས་པའི་བཏུང་བྱའི་རིགས་ཤིག་སྟེ། རྩམ་སྐྱ་དང་ཆུར་བ་༼ཁག་ཅིག་གིས་མར་ཉུང་ཙམ་འཕེན་སྲོལ་ཡོད་༽གཉིས་བསྲེས་སྦྱོར་བྱས་པའི་ནང་ཇ་བླུགས་རྗེས་དཀྲུགས་ཏེ་འཐུང་བའི་གཤེར་ཁུ་ལ་ཟེར་གྱི་ཡོད། དེར་མིང་འདོགས་སྟངས་མི་འདྲ་བ་འགའ་ཡོད་དེ། ཡུལ་ལུང་ལ་ལ་ནས་ཕྱེ་ཁུ་ཟེར་བ་དང༌། ལ་ལ་ནས་སྤྲུགས་ཀ་དང་ཇ་འདུར་སོགས་ཟེར་གྱི་ཡོད།

24063102507

སྤགས་འམ་མར་རྩམ།

སྤགས་ནི། ཆུ་ཁོལ་མ་དང་ཇའི་ནང་དུ་མར་འཕངས་ཤིང་དེའི་སྟེང་ཆུར་བ་དང་རྩམ་པ་བཏབ་སྟེ་བརྫི་བའི་ཟས་ཤིག་སྟེ། དབུས་གཙང་སོགས་སུ་དེ་ལ་སྤགས་ཟེར་བ་དང༌། ཨ་མདོའི་ཁུལ་དུ་རྩམ་པ་ཞེས་བརྗོད་ཀྱི་ཡོད། སྤགས་སམ་རྩམ་པ་བཟོ་སྟངས་སྣ་ཚོགས་ཤིག་ཡོད་པ་སྟེ། དཔེར་ན། རྩམ་པའི་ནང་ཀ་ར་བསྲེས་ཏེ་བརྫི་བའི་ཀར་རྩམ་དང༌། ཞོ་དང་དར་བའི་ནང་བརྫི་བའི་སྐྱུར་རྩམ། མར་མེད་པར་བརྫི་བའི་སྐྱ་རྩམ་བཅས་བཟོས་ནས་བཟའ་བ་དང༌། སྐྱ་རྩམ་ནི་ཕལ་ཆེ་བས་ཙོང་སྒོག་དང་བསིལ་ཕན་སོགས་དང་སྡེབ་ནས་བཟའ་སྲོལ་ཡོད།

Tsampa

བོད་དུ་རྩམ་པ་བྱུང་དུས།

བོད་པའི་རྒྱུན་ཟས་ཞིག་ཡིན། རྩམ་པ་ཞེས་པ་ནི་ནས་དང་སྲན་མ་སོགས་འབྲུ་རིགས་ཆུ་ལ་བཀྲུས་ནས་བརྔོས་ཏེ་བཏགས་པའི་ཕྱེ་མ་ལ་ཟེར་ཞིང་། རྩམ་པར་སྤྱིར་ན་ནས་རྩམ་དང་། སྲན་རྩམ། འདྲེས་སྲན་སོགས་ཡོད། ནས་རྩམ་ལའང་དམངས་རྩམ། བར་རྩམ། མཆོད་རྩམ། ཞིབ་རྩམ་བཅས་ཡོད། ཞིབ་རྩམ་ནི་ཡོས་ལ་གྲུས་ནས་པགས་འབུད་པ་བརྒྱབ་སྟེ་ཆེས་ཞིབ་མོར་བཏགས་པའི་ནས་རྩམ་སྤུས་ལེགས་དང་། དེ་མིན་རྩམ་པ་གཞན་དེ་འདྲའི་དྭངས་དོད་མ་བྱས་པའི་ཅུང་རྩིང་བ་སོགས་ཡོད་པ་རེད། སྲན་རྩམ་ལའང་དེ་བཞིན་དུ་སྲན་ཞིབ་ཅེས་ལྤགས་པ་ཕུད་ནས་ཆེས་ཞིབ་མོར་བཏགས་པའི་སྲན་རྩམ་སྤུས་ལེགས་དང་། སྤྱིར་བཏང་གི་སྲན་ལྤགས་མ་ཕུད་པའི་སྲན་རྩམ་ཁག་གཉིས་ཙམ་ཡོད། རྩམ་པའི་ཁྱད་ཆོས་ནི་གཞིས་ཁྱིམ་ལམ་སོགས་གང་དུའང་ཟས་སྤྱོད་ཆོག་པའི་ཧ་ཅང་སྟབས་བདེ་བའི་བཟའ་ཆས་ཞིག་ཡིན། མི་སོ་སོའི་འདོད་པ་ལྟར་འཐུང་རིགས་ཇ་ཆང་ཕྱུར་ཁུ་སོགས་པག་ཁུར་སྤྱད་ནས་ཚལ་རིགས་དང་མཉམ་དུ་ཟས་སྤྱོད་ཆོག་ལ། ཆ་རྐྱེན་མེད་ན་ཆུ་རྐྱང་པག་རྐྱང་དུ་ཟས་ཀྱང་ཆོགད་དུང་རྩམ་པ་དེ་སྐམ་པོར་འགམ་ནའང་འགྲིག་ལ་ཕྱུར་བ་དང་ཀ་ར། མར་དང་སྣུམ། ཐུད་སོགས་སྦྱར་ནས་མར་ཟན་ཞེས་པ་སོགས་བཟོས་ནས་ཟ་སྤྱོད་བྱས་ཀྱང་ཆོགཡང་གཞི་རྩམ་པར་བརྟེན་ནས་བཟོས་པའི་རྩམ་ཐུག་གམ་འཇམ་ཐུག་དང་ཆང་སྐོལ་དེ་བཞིན་ཕྱུར་རུལ་གྱི་ཐུག་པ་སོགས་མང་པོ་ཡོད། རྩམ་པར་ཇའམ་ཆང་གང་རུང་ཞིག་བླུགས་ནས་སྐྱོ་མའམ་ཇ་འདུར་ཞེས་གར་སླ་རང་འདོད་ལྟར་བྱས་ཏེ་སྤྱོད་རྒྱུ་ཡང་ཡོད། ད་དུང་པག་ལ་ཆང་རྩི་བཏབ་ནས་བརྙལ་རྗེས་ནར་མོའམ་སྐོར་ལེབ་བཟོས་ཏེ་སྐམ་པ་ལ་ཟན་ཆང་ཞེས་མངར་སྐྱུར་ལྡན་པའི་ཁ་ཟས་ལྟོགས་སྐོམས་གཉིས་ཀ་སེལ་ཐུབ་པ་ཞིམ་པོ་ཞིག་ཀྱང་ཡོད།

World peace T-shirt དབུས་ལམ་རིང་མོ

མེས་བོ་དམ་པའི་སྙིང་སྟོབས་། དབུས་ལམ་རིང་མོ
བོད་མི་རྣམས་ཀྱིས་སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པའི་ཕྱིར་དང་། རང་གི་དྲིན་ཆེན་ཕ་མ་ལ་དྲིན་ལན་འཇལ་བའི་ཕྱིར་ཉིན་དང་ཟླ་བ་ལོ་བྱས་ཏེ་རྐྱང་ཕྱགས་འཚལ་ནས་ཇོ་བོ་ཤཀྱ་མི་ནུ་ལ་འཇལ་དུ་དབུས་ལ་འགྲོ། འདི་ནི་ཁོ་ཚོའི་སྙིང་སྟོབས་དང་སྨོན་འདུན་ཡིན། འདི་ལོར་ང་ཚོ་བོད་ཀྱི་རྩམ་པ་ཚོང་ཁང་ནས་བོད་མིའི་དཀའ་ཐུབ་དང་སྙིང་སྟོབས་མཚོན་པའི་སྟོད་གོས་སྤུས་ལེགས་ཞིག་དྲ་ལམ་རྒྱུད་འགྲེམ་སྤེལ་བྱས་པས་། འདིར་རུ་ཕེབས་ནས་མངག་ཉོ་གནང་རོགས་།

Traditionally, Tibetans prostrate for months to years at a time from Eastern to the central Tibet where the holy temple of the Shakyamuni Buddha is located. This prostration is a form of offering once body to the mother earth lying face-down in full body length and saying prayers for the good merit of all sentient beings and for World Peace. Tibetans also believe this to be also a form of penance for causing any unintentional harm to our fellow beings on earth especially our kind parents. Such prostrations are done regardless of the path and weather conditions.  please check here..http://tibetantsampa.com/shop/

བོད་པས་དྲི་མ་ངོ་མ་དེ་རྩམ་པའི་དྲི་མ་མིན་འགྲོ


བོད་པས་དྲི་མ་ངོ་མ་དེ་རྩམ་པའི་དྲི་མ་མིན་འགྲོ


རྩམ་པ་འདི་བཙོང་མགོ་མ་ཚུགས་གོང་། ལས་ཁུང་གི་ལས་མི་དག་གཙོ་བྱས་ཕྱི་རྒྱལ་བ་དག་གི་ང་རང་བོད་པ་ཞིག་ཡིན་པ་ཤེས་ཚེ། དྲི་བ་རྒྱུན་ལྡན་ཞིག་ཡོད་པ་ནི་། ཁྱོད་ཚོ་བོད་ཀྱི་ཁ་ཟས་ངོ་མ་དེ་ཅི་རེད་། དྲི་བ་འདི་ཕལ་ཆེར་ཐེང་མ་བརྒྱ་འདྲི་མྱོང་ཞེས་ཞུས་ཆོགས། དེ་ནས་གདོང་དེབ་ན་གསར་འབོད་པ་ཚེ་རིང་སྐྱིད་ཀྱི་གསུང་བ་ལྟར་། ངས་ཀྱང་ལས་ཁུང་ནས་རྩམ་པ་ཟ་མགོ་བརྩམ་པ་ཡིན། ཁོང་ཚོར་ཕར་ཏོག་ཙམ་སྤྲད་ནས་། འདི་ནི་ང་ཚོ་བོད་པས་ཁ་ཟས་ངོ་མ་དེ་རེད་། མིང་ལ་རྩམ་པ་ཟེར་གི་ཡོད་། ཞེས་ཕར་སྤྲད་ཞོར་ཏུ་དེ་རྒྱའི་ཁ་ལ་དང་རིགས་གཞུང་མ་རེད་། ཞེས་འབྲེལ་བཤད་ལྷག་མ་ཞིག་ཀྱང་སྣོན་གི་ཡོད། ཁྱད་མཚར་བོ་ཞིག་ལ་། ཕྱི་རྒྱལ་ཚོའི་རྩམ་པ་ཟས་རྗེས་རྐན་ངོས་ལ་འབྱར་འགྲོ་གིནའདུག་ཟེར། ཁོང་ཚོའི་རྩམ་པ་ཟས་རྗེས་སོ་ཐེང་གཅིག་མ་ཁྲུས་བར་བསྡད་ཐུབ་གི་མི་འདུག་ཟེར། དེ་ཁྱད་མཚར་བོ་མཐོང་སོང་། ད་ངོས་ནས་བྱས་ན་བོད་མིའི་ནང་དུ་ཡང་རྩམ་པ་ཟོས་རྗེས་རྐན་ལ་འབྱར་མཁན་ཡོད་སྲིད་། གལ་ཏེ་དེ་འདྲ་ཡོད་ན་དེ་དག་ལ་བོད་མིའི་དྲི་མ་ཡལ་བས་རྟགས་མིན་འགྲོ་། གང་ལྟར་དེ་ནས་ངའི་རྩམ་པ་བཙོང་མགོ་བརྩམ་པ་རེད ལས་ཁུང་གཅིག་པས་ནང་མངག་མཁན་འགའ་རེ་ཡོད་ཀྱང་ ། རྫི་མཁན་ང་གཅིག་པོ་རེད་། སློང་མཁན་འགའ་རེ་ཡོད་པ་རེད་། ས་གནས་འདིའི་སློབ་འབྲིང་འགའ་རེ་ནང་རིགས་གཞུང་འགྲེམས་སྟོན་ཀྱི་ཆེད་ཐེང་མང་པོར་འགྲོ་མྱོང་། དེས་སྐོར་ཟུར་དུ་རྒྱས་བར་བྲིས་ཆོགས་།