རྩམ་པ།

རྩམ་པ།
བསེ་རུ།

ངའི་ལང་ཚོའི་མཛེས་སྡུག་ཡོད་ཚད་ཁྱོད་ཀྱི་དྲིན།
རྩམ་པ།
བཙན་པོའི་རྒྱལ་ཐབས་ཀྱི་གཞི་མ།
ཡར་ཀླུང་གི་དབྱིག་འཛིན་ན།
ལུས་སེམས་ཀྱི་ནུས་སྟོབས་ཆེས་ཆེར་འཕེལ།
ས་བརྐོ་རྡོ་སློག་གི་ངལ་བའི་ཁྲོད།
ཞིང་ས་གཤིན་པོ་བ་རས་ཞིང་ཐང་ན།
གདོང་དམར་བོད་པ་ཚང་གི་རྣམ་ཤེས་ཐིམ།
དུས་དེ་ནས།
ནས་གྲོ་སྲན་མ་ལ་སོགས་པའི་སོན་རྩ།
ཡར་ཆབ་སྔོན་མོས་བརླན་པར་བྱས།
དུས་དེ་ནས། ཡར་ཀླུང་གི་གཞུང་རྒྱུད་ན།
ལོ་ཡག་གི་སྙེ་མ་ལྡེམ། ལྗང་མདོག་གི་ས་གཞིར་གྱུར།
དུས་དེ་ནས། ཡར་ཀླུང་གཞུང་རྒྱུད་ན།
རྩམ་གཟན་གདོང་དམར་བོད་པ་ཞེས་པ་གླེང་འགོ་ཚུགས།
རྩམ་པ། ངའི་ཚེ་སྲོག་གི་འབྱུང་ཁུངས་དང་ཚེ་སྲོག་གི་གཞི་རྟེན་ཉག་ཅིག
རྩམ་པ། རྩམ་གཟན་གདོང་དམར་ཚོའི་ཆེས་ཐོག་མའི་ཟས་མཆོག
རྩམ་པ། ཁ་བ་རི་པ་ཚོོའི་ཆེས་མཐའ་མའི་རྣམ་ཤེས་ཐིམ་སའི་ཟས་མཆོག
རྩམ་པ། རྩམ་པ། རྩམ་པ།

ཁྱོད་དང་འདི་ལྟར་ཁ་གྱེས་ཀྱང་།
ངའི་ཚེ་སྲོག་མི་འཇིག་པར་ད་དུང་འདི་ལྟར་འཚོ་སྐབས།
བཅོས་མའི་ཟས་རིགས་ཀྱིས་ངའི་ལང་ཚོ་འདི་ལྟར་རྒས་སྐབས།
ལྷད་མེད་པའི་སྦྲང་དཀར་རྩམ་པ་ཁྱོད་ཁོ་ན་དྲན།
ངས་སླར་ཡང་དམངས་ཁྲོད་ཀྱི་གཏམ་དཔེ་ཞིག་ཀྱང་དྲན།
ཉི་མ་རིང་དུ་རིང་དུ། རྩམ་པ་ཞིམ་དུ་ཞིམ་དུ།
རྩམ་པ། རྩམ་པ། རྩམ་པ།
(ཁ་བརྡའ་ལས་བཤུས་)

 

གྲུ་བ།

གྲུ་བ།
རྨི་ལམ་དཀར་པོས།

དྲན་ཤིང་གི་མིང་བྱང་ཁྲོད་ཀྱི་བདག་གི་གླུ་བ
གཡོར་གྲུའི་ཁ་ཕྱོགས་ལ་སྐྲ་ལོ་མ་བསྐུར
ང་ལ་གནས་ཡུལ་དང་བདག་པོ་དགོས
ས་སྲོད་ཁྱོད་ཀྱང་འཁྱག་ལ་ང་ཡང་གྲང

དེས་ན།
ང་ཁྱོད་ཀྱི་ཁེར་རྐྱང་གི་གཏམ་རྒྱུད་ལ་སྐྱེས་མི་འདོད
ནམ་ཞིག་རྒྱ་མཚོོའི་ཕ་རོལ་ནས
ངའི་ཆེད་དུ་རུ་དཔུང་གི་དམག་དར་འཕྱར་བའི་ལོ་ཟླ་ཡོད་ན
དེ་དུས། ཁྱེད་ཀྱིས་ང་ཁེར་རྐྱང་དུ་མ་གཡུག་རོགས

 

ཉིས་སྟོང་བཅུ།

 

རྩམ་པ་བྱེ་མར་འཇིམ་འཇིམ་པོ།

 

བོད་ཀྱི་ལེགས་སྐྱེས་ཆུང་ཆུང་།

 

ཨམ་མདོ་དར་ཐང་དགོན་།

བོད་ཨམ་མདོ་མགོ་ལོག་དར་ཐང་དགོན་གྱི་སློབ་གཉེར་བའི་ཟུར་ཞིག།

 

རྒྱང་རིང་དུ་ཆས་པ་།

རྒྱང་རིང་དུ་ཆས་པ་།
སུམ་མདོ་སློབ་ཆུང་གི་སློབ་མ་ལྕགས་འབུམ་རྒྱལ།

དེ་རིང་། ངའི་འགྱོད་སེམས་ཀྱི་མིག་ཆུ་དྲོད་མོས།
ཁྱེད་ལ་འཚམས་འདྲི་བྱས་ཤིང་།
ཤུགས་རིང་རེ་རེ་ཡི་ཀློང་རུམ་ནས་ཁྱེད་ལ་སྙན་ངག་འབྲི་འདོད་།
སྐྱེ་བ་ཐེངས་ཤིག་གཅེས་མེད་དུ་བུད་སོང་བའི་ཁྱེད་རང་།
ཨུ་ཚུགས་རྐྱང་རྐྱང་གི་བུད་སོང་། སོང་ཤུལ་ན།
སེམས་ཤི་བའི་ཨ་མ་ཞིག་གི་མིག་ཆུ་འཁྱིལ་ཞིང་།
ཡིད་ཆད་པའི་སྤུན་ཆུང་དག་གི་དུང་བ་གཉོམ།
ད་དུང་ནར་མ་སོན་པའི་བུ་ཆུང་ངའི་དྲན་ཤིང་ལྕི་།
ལོ་དེར་། ང་རང་ན་ཚོད་ཧ་ཅང་ཆུང་།
འབའ་འབའ་ལུ་གུ་དང་ལྷན་དུ།
སེར་ཆེན་མེ་ཏོག་གི་གདན་སྟེང་ནས་ངའི་ཁྱོད་རང་དྲན་མྱོང་།
ཁྱོད་རྒྱང་རིང་དུ་ཆས་ཟིན་པས་།
ངའི་སྐྱོ་སྣང་གི་རི་ལུང་ན་སྨིག་པ་དེ་ལྟར་དམའ།
ངའི་ཆུ་མོའི་བཞུར་རྒྱུན་ལའང་དུང་ཤག་སྒྲ་མེད་།
ཕུ་བོ། ཁྱེད་ད་དུང་མི་ཕེབས་པ་ཅི་།
འགྱོགས་པོར་ཕེབས་རོགས་།

 

གཏན་གྱི་འདུན་མ།

གཏན་གྱི་འདུན་མ།

མི་ལོ་ལྔ་བཅུའི་རིང་གི་བོད་མི་སྐྱབས་བཅོལ་བའི་བརྒྱུད་རིམ་ལ་ཕྱིར་འདང་དང་ བསམ་གཞིག་བྱས་ཏེ་འཛམ་གླིང་གི་ཡུལ་གྲུ་གང་སར་ཐོར་བའི་བོད་མིའི་ནང་ཁུལ་དུ་ མཉམ་འབྲེལ་དང་དང་ངོ་ཤེས་རྒྱུས་ལོན་དང་མཐུན་བསྒྲིལ་བཟུང་ནས་མཇུག་མཐར་ང་ཚོ་ ལྷན་དུ་གངས་ལྗོངས་ཀྱི་ཕ་སར་འགྲོ་བའི་འཆར་གཞི་འམ་ཡིད་ཕུགས་ཀྱི་གཏན་འདུན་ འཚོལ་དགོས་པ་ནི་ཡུལ་གྱར་བའི་བོད་མི་རྩམ་གཟན་ཡོངས་ཀྱི་ཕྲག་ཏུ་བབས་པའི་འགན་ འཁྲི་ཞིག་ཡིན། གཏན་གྱི་འདུན་མ་འཚོལ་བ་ལ་ང་ཚོར་མཁོ་བ་ནི་ཆིག་བསྒྲིལ་དང་དཔུང་ཤུགས་ཤེས་ཡོན་ དང་བློས་ཐུབ་ལག་ལེན་བཅས་དགོས་ལ་དེ་དག་དགོས་པ་ལ་ངེས་པར་དུ་བོད་རང་གི་ཐུན་ མོང་མ་ཡིན་པའི་སྐད་ཡིག་དང་བཟང་སྤྱོད་ཀྱི་གོམས་གཤིས་སོགས་རྩ་བར་འཇོག་དགོས་པ་ དེ་ཡིན། ད་དུང་ཆེས་གལ་ཆེ་བ་ནི་ས་ཕྱོགས་ངེས་མེད་དུ་ཡོད་པའི་བོད་མི་དག་གིས་རང་གི་ཤ་ ཁྲག་རུས་གསུམ་ནི་གངས་ལྗོངས་ནས་བཞུད་ཟིན་པའི་རང་གི་མེས་པོ་དམ་པའི་ཤུལ་བཞག་ གི་ནོར་བུ་དེ་ཡིན་པའི་ངེས་ཤེས་སྐྱེས་ཏེ་རང་རང་གི་བུ་རབས་ཚ་རྒྱུད་ཀྱང་གནའ་ དེང་ཟུང་འབྲེལ་གྱི་གཤོག་ཟུང་ལྡན་པའི་ཤེས་ཡོན་པ་ཞིག་དང་ཡ་རབས་སྤྱོད་བཟང་གི་ གོམས་གཤིས་འཇགས་པའི་གངས་ལྗོངས་པ་ཞིག་སྦྲང་དཀར་རྩམ་བཅུད་ཀྱིས་གསོས་པའི་ཕ་ བཟང་གི་བུ་ཞིག་བསྐྱང་ནས་བོད་གངས་ལྗོངས་ཀྱི་མི་རབས་གསར་བའི་དཔུང་ཤུགས་ཀྱི་ བརྗིད་ཉམས་མངོན་པར་བསྟོད་དགོས་པ་དེ་ནི་བྱེས་འབྱོར་བའི་བོད་མི་ཡོངས་ཀྱི་གཏན་ གྱི་འདུན་མ་ཉག་གཅིག་གོ། ངེད་ཅག་ཡུལ་གྱར་བ་སྐོར་ཞིག་གིས་ས་མཐའི་གནས་ཚང་གི་ཐུ་འོག་ནས་དྲ་ལམ་གསར་བ་ འདི་དང་སྦྲང་དཀར་རྩམ་པའི་ཟས་མཆོག་འདི་གཉིས་མཉམ་དུ་འགྲེམས་སྤེལ་བྱས་པའི་ དམིགས་ཡུལ་ཡང་འདི་ལས་མ་འདས་སོ།།

 

ཤེལ་སྒོ།

ཤེལ་སྒོ། མཚར་གཏམ་།
འགྱུར་མེད་།
ཤེལ་སྒོ་དེ་ཁྱེར་ཤོག་ཞེས་སྐད་ལོག་རྒྱབ་པས་། གཡོག་པོ་དེ་ཚབས་ཚབས་ངང་ནང་དུ་རྒྱུག་ནས་ཤེལ་སྒོ་དེ་འགྱོག་མྱུར་གྱི་ཁྱེར་ཡོང་པས་སྒོ་འགྲམ་དུ་། སྟབས་མ་ལེགས་པར་ཤེལ་སྒོ་དེ་་སྒོ་ཟུར་ལ་ཁེལ་ནས་ཆགས་རལ་དུ་གྱུར་བ་རེད་། སྦྱིན་བདག་དེ་རླུང་ལང་དེ་། ལྟས་ངན་ཁྱོད་ཀྱི་ངའི་ཤེལ་སྒོ་ཡག་པོ་དེ་བཅག་ཚར་འདུག་། ད་ནི་ངའི་གདོང་པ་ཆ་ཚང་མཐོང་གི་མི་འདུག། འགྱོག་པོར་ཁྲོམ་་ལ་སོང་ནས་ངའི་གདོང་པ་ཆ་ཚང་མཐོང་པའི་ཤེལ་སྒོ་ཞིག་ཉོས་ནས་ཞོག་ཞེས་བཀའ་བཏང་པའི་། གཡོག་པོ་དེ་འགྱོག་མྱུར་གྱི་ཁྲོམ་ལ་ཕྱིན་ཡང་དགོང་མོ་མུན་རབས་ཙམ་པར་ནང་དུ་མ་ལོགས་བ་རེད་། ཁོ་ཤིན་དུ་ཐང་ཆད་པའི་ངང་སྦྱིན་ལགས་དགོང་མ་འཚོམ་། ཤེལ་སྒོ་རགས་མ་སོང་། ང་དེ་རང་ཉིན་གང་བོར་ཁྲོམ་ཡོང་ལ་རྒྱུག་ནས་ཤེས་སྒོ་བཙལ་ཡང་། ཁོ་ཚོར་བཙོང་རྒྱུ་ཡོད་པའི་ཤེལ་སྒོ་དེ་དག་ནང་ན་ངའི་གདོང་པ་མཐོང་བ་ལས་སྦྱིན་བདག་ཁྱེད་ཀྱི་གདོང་པ་ཕྱེད་ཀ་ཙམ་ཡང་མཐོང་རྒྱུ་མི་འདུག་།

 

བོད་རིགས་ཀྱི་གཙོ་ཟས

བོད་རིགས་ཀྱི་གཙོ་ཟས

རྩམ་པའི་སྐོར་ལ་དུང་དཀར་བློ་བཟང་འཕྲིན་ལས་ཀྱིས་འདི་ལྟར་གསུངས་འདུག ༼རྩམ་པ་ནི་བོད་རིགས་ཀྱི་གཙོ་ཟས་ཤིག་ཡིན་ཅིང་། རྩམ་པའི་རིགས་ལ་སྤྱིར་ན་ནས་རྩམ་དང་སྲན་རྩམ་གཉིས་སུ་ཕྱེ་ཡང་ཞིབ་ཏུ་ཕྱེ་ན་དྲུས་བརྒྱབ་སྟེ་ཆེས་ཞིབ་མོར་བཏགས་པའི་ནས་རྩམ་སྤུས་ལེགས་ལ་ཞིབ་རྩམ་དང་། སྲན་ལྤགས་ཕུད་པའི་ཆེས་ཞིབ་མོར་བཏགས་པའི་སྲན་རྩམ་སྤུས་ལེགས་ལ་སྲན་ཞིབ་ཅེས་དང་། ད་དུང་ནས་སྲན་འདྲེས་མར་བཏགས་པ་ལ་རྩམ་པ་སྤེལ་སྲན་ཟེར།༽