November 9, 2011
October 14, 2011
།གཅེས་པའི་ལུས་སྲོག་ལོངས་སྤྱོད་ཡོངས་བཏང་སྟེ། །དཀའ་བ་བརྒྱ་ཕྲག་སྒྲུབ་པའི་སྐྱེ་བོ་རྣམས། །གྲུ་འཛིན་མགོན་དེས་ཐུགས་རྗེས་སྐྱོང་བར་མཛོད། །
Posted by དོན་ཚེ་་ཡིས་ under སྣ་ཚོགས་།Leave a Comment
༄༅། ཚད་མེད་ཡོན་ཏན་རྒྱ་མཚོའི་དཔལ་མངའ་ཞིང༌། །ཉམ་ཆུང་འགྲོ་ལ་བུ་གཅིག་ལྟར་དགོངས་པའི། །དུས་གསུམ་བདེ་གཤེགས་སྲས་དང་སློབ་མར་བཅས། །བདག་གི་བདེན་པའི་སྨྲེ་ངག་འདི་དགོངས་ཤིག །སྲིད་ཞིའི་གདུང་སེལ་ཡོངས་རྫོགས་ཐུབ་པའི་བསྟན། །འཛམ་གླིང་ཡངས་པའི་ཕན་བདེའི་དཔལ་དུ་རྒྱས། །དེ་འཛིན་མཁས་དང་གྲུབ་པའི་སྐྱེས་བུ་རྣམས། །ཆོས་སྤྱོད་རྣམ་བཅུའི་བྱ་བ་འཕེལ་བར་མཛོད། །མི་ཟད་ལས་ངན་དྲག་པོས་ཡོངས་ནོན་པས། ། །བར་མེད་དུ་ཁས་མནར་བའི་ཉམ་ཐག་འགྲོ། །བཟོད་དཀའ་ནད་མཚོན་མུ་གེའི་འཇིགས་པ་ཀུན། །ཞི་ནས་བདེ་དགའ་རྒྱ་མཚོར་དབུགས་དབྱུང་མཛོད། །ཁྱད་པར་གངས་ལྗོངས་ཆོས་ལྡན་སྐྱེ་འགྲོ་རྣམས། །ནག་ཕྱོགས་ཀླ་ཀློའི་དཔུང་གིས་བརྩེ་མེད་དུ། །ངན་དགུས་འཇོམས་པའི་ཁྲག་དང་མཆི་མའི་རྒྱུན། །མྱུར་དུ་ཆོད་པའི་ཐུགས་རྗེའི་མཐུ་དཔུང་སྐྱེད། །ཉོན་མོངས་གདོན་གྱིས་སྨྱོས་པའི་བརླང་སྤྱོད་ཀྱིས། །རང་གཞན་གཉིས་ཕུང་བགྱིད་པའི་སྙིང་རྗེའི་ཡུལ། །མི་བསྲུན་སྐྱེ་བོའི་ཚོགས་རྣམས་བླང་དོར་མིག །ཡོངས་ཐོབ་བྱམས་བརྩེས་མཛའ་བའི་དཔལ་ལ་སྦྱོར། །རིང་ནས་སྙིང་དུ་བརྣག་པའི་འདོད་པའི་དོན། །ཡོངསརྫོགས་བོད་ལྗོངས་རང་དབང་གཙང་མའི་དཔལ། །ལྷུན་འགྲུབ་ཆོས་སྲིད་ཟུང་འབྲེལ་དགའ་སྟོན་ལ། །སྤྱོད་པའི་སྐལ་བཟང་མྱུར་བ་ཉིད་དུ་སྩོལ། །བསྟན་དང་དེ་འཛིན་ཆབ་སྲིད་རང་རིགས་སླད། །གཅེས་པའི་ལུས་སྲོག་ལོངས་སྤྱོད་ཡོངས་བཏང་སྟེ། །དཀའ་བ་བརྒྱ་ཕྲག་སྒྲུབ་པའི་སྐྱེ་བོ་རྣམས། །གྲུ་འཛིན་མགོན་དེས་ཐུགས་རྗེས་སྐྱོང་བར་མཛོད། །མདོར་ན་མགོན་པོ་སྤྱན་རས་གཟིགས་དབང་གིས། །སྲས་བཅས་རྒྱལ་བའི་སྤྱན་སྔར་གངས་ཅན་ཞིང༌། །ཡོངས་བཟུང་རྒྱ་ཆེན་སྨོན་ལམ་གང་མཛད་པའི། །འབྲས་བཟང་དེང་འདིར་མྱུར་དུ་འཆར་བར་གསོལ། །སྣང་སྟོང་ཆོས་ཉིད་ཟབ་མོའི་རྟེན་འབྲེལ་དང། །མཆོག་གསུམ་ཐུགས་རྗེའི་མཐུ་དང་བདེན་ཚིག་སྟོབས། །ལས་འབྲས་བསླུ་མེད་བདེན་མཐུས་བདག་ཅག་གི །བདེན་པའི་སྨོན་ལམ་གེགས་མེད་མྱུར་འགྲུབ་ཤཽག།། །།
༄༅། ཚད་མེད་ཡོན་ཏན་རྒྱ་མཚོའི་དཔལ་མངའ་ཞིང༌། །ཉམ་ཆུང་འགྲོ་ལ་བུ་གཅིག་ལྟར་དགོངས་པའི། །དུས་གསུམ་བདེ་གཤེགས་སྲས་དང་སློབ་མར་བཅས། །བདག་གི་བདེན་པའི་སྨྲེ་ངག་འདི་དགོངས་ཤིག །སྲིད་ཞིའི་གདུང་སེལ་ཡོངས་རྫོགས་ཐུབ་པའི་བསྟན། །འཛམ་གླིང་ཡངས་པའི་ཕན་བདེའི་དཔལ་དུ་རྒྱས། །དེ་འཛིན་མཁས་དང་གྲུབ་པའི་སྐྱེས་བུ་རྣམས། །ཆོས་སྤྱོད་རྣམ་བཅུའི་བྱ་བ་འཕེལ་བར་མཛོད། །མི་ཟད་ལས་ངན་དྲག་པོས་ཡོངས་ནོན་པས། ། །བར་མེད་དུ་ཁས་མནར་བའི་ཉམ་ཐག་འགྲོ། །བཟོད་དཀའ་ནད་མཚོན་མུ་གེའི་འཇིགས་པ་ཀུན། །ཞི་ནས་བདེ་དགའ་རྒྱ་མཚོར་དབུགས་དབྱུང་མཛོད། །ཁྱད་པར་གངས་ལྗོངས་ཆོས་ལྡན་སྐྱེ་འགྲོ་རྣམས། །ནག་ཕྱོགས་ཀླ་ཀློའི་དཔུང་གིས་བརྩེ་མེད་དུ། །ངན་དགུས་འཇོམས་པའི་ཁྲག་དང་མཆི་མའི་རྒྱུན། །མྱུར་དུ་ཆོད་པའི་ཐུགས་རྗེའི་མཐུ་དཔུང་སྐྱེད། །ཉོན་མོངས་གདོན་གྱིས་སྨྱོས་པའི་བརླང་སྤྱོད་ཀྱིས། །རང་གཞན་གཉིས་ཕུང་བགྱིད་པའི་སྙིང་རྗེའི་ཡུལ། །མི་བསྲུན་སྐྱེ་བོའི་ཚོགས་རྣམས་བླང་དོར་མིག །ཡོངས་ཐོབ་བྱམས་བརྩེས་མཛའ་བའི་དཔལ་ལ་སྦྱོར། །རིང་ནས་སྙིང་དུ་བརྣག་པའི་འདོད་པའི་དོན། །ཡོངསརྫོགས་བོད་ལྗོངས་རང་དབང་གཙང་མའི་དཔལ། །ལྷུན་འགྲུབ་ཆོས་སྲིད་ཟུང་འབྲེལ་དགའ་སྟོན་ལ། །སྤྱོད་པའི་སྐལ་བཟང་མྱུར་བ་ཉིད་དུ་སྩོལ། །བསྟན་དང་དེ་འཛིན་ཆབ་སྲིད་རང་རིགས་སླད། །གཅེས་པའི་ལུས་སྲོག་ལོངས་སྤྱོད་ཡོངས་བཏང་སྟེ། །དཀའ་བ་བརྒྱ་ཕྲག་སྒྲུབ་པའི་སྐྱེ་བོ་རྣམས། །གྲུ་འཛིན་མགོན་དེས་ཐུགས་རྗེས་སྐྱོང་བར་མཛོད། །མདོར་ན་མགོན་པོ་སྤྱན་རས་གཟིགས་དབང་གིས། །སྲས་བཅས་རྒྱལ་བའི་སྤྱན་སྔར་གངས་ཅན་ཞིང༌། །ཡོངས་བཟུང་རྒྱ་ཆེན་སྨོན་ལམ་གང་མཛད་པའི། །འབྲས་བཟང་དེང་འདིར་མྱུར་དུ་འཆར་བར་གསོལ། །སྣང་སྟོང་ཆོས་ཉིད་ཟབ་མོའི་རྟེན་འབྲེལ་དང། །མཆོག་གསུམ་ཐུགས་རྗེའི་མཐུ་དང་བདེན་ཚིག་སྟོབས། །ལས་འབྲས་བསླུ་མེད་བདེན་མཐུས་བདག་ཅག་གི །བདེན་པའི་སྨོན་ལམ་གེགས་མེད་མྱུར་འགྲུབ་ཤཽག།། །།
October 12, 2011
ཁྱེད་ཚོ་ནི་། ངའི་སེམས་ནང་གི་གཟིམས་མེད་ཀྱི་མར་མར་ཚེ་འབར་ཡིན།
Posted by དོན་ཚེ་་ཡིས་ under སྣ་ཚོགས་།Leave a Comment
September 23, 2011
བོད་པས་དྲི་མ་ངོ་མ་དེ་རྩམ་པའི་དྲི་མ་མིན་འགྲོ
རྩམ་པ་འདི་བཙོང་མགོ་མ་ཚུགས་གོང་། ལས་ཁུང་གི་ལས་མི་དག་གཙོ་བྱས་ཕྱི་རྒྱལ་བ་དག་གི་ང་རང་བོད་པ་ཞིག་ཡིན་པ་ཤེས་ཚེ། དྲི་བ་རྒྱུན་ལྡན་ཞིག་ཡོད་པ་ནི་། ཁྱོད་ཚོ་བོད་ཀྱི་ཁ་ཟས་ངོ་མ་དེ་ཅི་རེད་། དྲི་བ་འདི་ཕལ་ཆེར་ཐེང་མ་བརྒྱ་འདྲི་མྱོང་ཞེས་ཞུས་ཆོགས། དེ་ནས་གདོང་དེབ་ན་གསར་འབོད་པ་ཚེ་རིང་སྐྱིད་ཀྱི་གསུང་བ་ལྟར་། ངས་ཀྱང་ལས་ཁུང་ནས་རྩམ་པ་ཟ་མགོ་བརྩམ་པ་ཡིན། ཁོང་ཚོར་ཕར་ཏོག་ཙམ་སྤྲད་ནས་། འདི་ནི་ང་ཚོ་བོད་པས་ཁ་ཟས་ངོ་མ་དེ་རེད་། མིང་ལ་རྩམ་པ་ཟེར་གི་ཡོད་། ཞེས་ཕར་སྤྲད་ཞོར་ཏུ་དེ་རྒྱའི་ཁ་ལ་དང་རིགས་གཞུང་མ་རེད་། ཞེས་འབྲེལ་བཤད་ལྷག་མ་ཞིག་ཀྱང་སྣོན་གི་ཡོད། ཁྱད་མཚར་བོ་ཞིག་ལ་། ཕྱི་རྒྱལ་ཚོའི་རྩམ་པ་ཟས་རྗེས་རྐན་ངོས་ལ་འབྱར་འགྲོ་གིནའདུག་ཟེར། ཁོང་ཚོའི་རྩམ་པ་ཟས་རྗེས་སོ་ཐེང་གཅིག་མ་ཁྲུས་བར་བསྡད་ཐུབ་གི་མི་འདུག་ཟེར། དེ་ཁྱད་མཚར་བོ་མཐོང་སོང་། ད་ངོས་ནས་བྱས་ན་བོད་མིའི་ནང་དུ་ཡང་རྩམ་པ་ཟོས་རྗེས་རྐན་ལ་འབྱར་མཁན་ཡོད་སྲིད་། གལ་ཏེ་དེ་འདྲ་ཡོད་ན་དེ་དག་ལ་བོད་མིའི་དྲི་མ་ཡལ་བས་རྟགས་མིན་འགྲོ་། གང་ལྟར་དེ་ནས་ངའི་རྩམ་པ་བཙོང་མགོ་བརྩམ་པ་རེད ལས་ཁུང་གཅིག་པས་ནང་མངག་མཁན་འགའ་རེ་ཡོད་ཀྱང་ ། རྫི་མཁན་ང་གཅིག་པོ་རེད་། སློང་མཁན་འགའ་རེ་ཡོད་པ་རེད་། ས་གནས་འདིའི་སློབ་འབྲིང་འགའ་རེ་ནང་རིགས་གཞུང་འགྲེམས་སྟོན་ཀྱི་ཆེད་ཐེང་མང་པོར་འགྲོ་མྱོང་། དེས་སྐོར་ཟུར་དུ་རྒྱས་བར་བྲིས་ཆོགས་།
བོད་པས་དྲི་མ་ངོ་མ་དེ་རྩམ་པའི་དྲི་མ་མིན་འགྲོ
རྩམ་པ་འདི་བཙོང་མགོ་མ་ཚུགས་གོང་། ལས་ཁུང་གི་ལས་མི་དག་གཙོ་བྱས་ཕྱི་རྒྱལ་བ་དག་གི་ང་རང་བོད་པ་ཞིག་ཡིན་པ་ཤེས་ཚེ། དྲི་བ་རྒྱུན་ལྡན་ཞིག་ཡོད་པ་ནི་། ཁྱོད་ཚོ་བོད་ཀྱི་ཁ་ཟས་ངོ་མ་དེ་ཅི་རེད་། དྲི་བ་འདི་ཕལ་ཆེར་ཐེང་མ་བརྒྱ་འདྲི་མྱོང་ཞེས་ཞུས་ཆོགས། དེ་ནས་གདོང་དེབ་ན་གསར་འབོད་པ་ཚེ་རིང་སྐྱིད་ཀྱི་གསུང་བ་ལྟར་། ངས་ཀྱང་ལས་ཁུང་ནས་རྩམ་པ་ཟ་མགོ་བརྩམ་པ་ཡིན། ཁོང་ཚོར་ཕར་ཏོག་ཙམ་སྤྲད་ནས་། འདི་ནི་ང་ཚོ་བོད་པས་ཁ་ཟས་ངོ་མ་དེ་རེད་། མིང་ལ་རྩམ་པ་ཟེར་གི་ཡོད་། ཞེས་ཕར་སྤྲད་ཞོར་ཏུ་དེ་རྒྱའི་ཁ་ལ་དང་རིགས་གཞུང་མ་རེད་། ཞེས་འབྲེལ་བཤད་ལྷག་མ་ཞིག་ཀྱང་སྣོན་གི་ཡོད། ཁྱད་མཚར་བོ་ཞིག་ལ་། ཕྱི་རྒྱལ་ཚོའི་རྩམ་པ་ཟས་རྗེས་རྐན་ངོས་ལ་འབྱར་འགྲོ་གིནའདུག་ཟེར། ཁོང་ཚོའི་རྩམ་པ་ཟས་རྗེས་སོ་ཐེང་གཅིག་མ་ཁྲུས་བར་བསྡད་ཐུབ་གི་མི་འདུག་ཟེར། དེ་ཁྱད་མཚར་བོ་མཐོང་སོང་། ད་ངོས་ནས་བྱས་ན་བོད་མིའི་ནང་དུ་ཡང་རྩམ་པ་ཟོས་རྗེས་རྐན་ལ་འབྱར་མཁན་ཡོད་སྲིད་། གལ་ཏེ་དེ་འདྲ་ཡོད་ན་དེ་དག་ལ་བོད་མིའི་དྲི་མ་ཡལ་བས་རྟགས་མིན་འགྲོ་། གང་ལྟར་དེ་ནས་ངའི་རྩམ་པ་བཙོང་མགོ་བརྩམ་པ་རེད ལས་ཁུང་གཅིག་པས་ནང་མངག་མཁན་འགའ་རེ་ཡོད་ཀྱང་ ། རྫི་མཁན་ང་གཅིག་པོ་རེད་། སློང་མཁན་འགའ་རེ་ཡོད་པ་རེད་། ས་གནས་འདིའི་སློབ་འབྲིང་འགའ་རེ་ནང་རིགས་གཞུང་འགྲེམས་སྟོན་ཀྱི་ཆེད་ཐེང་མང་པོར་འགྲོ་མྱོང་། དེས་སྐོར་ཟུར་དུ་རྒྱས་བར་བྲིས་ཆོགས་།
September 20, 2011
༤ བོད་ཟས་རྩམ་པས་བཟོས་པའི་ཟས་རིགས།
བོད་ཟས་རྩམ་པ་ལས་སྣོན་བྱས་ཏེ་ཟས་རིགས་སྣ་ཚོགས་ཤིག་བཟོ་སྲོལ་ཡོད་པ་སྟེ། དཔེར་ན། སྤགས་དང༌། ཞུན། སྐྱོ་མ། ཟན་ཆང༌། རྩམ་ཐུག རྩམ་ཉོག མར་ཟན། ཕྱེ་མར་སོགས་ཡོད།
སྤགས་ནི། ཆུ་ཁོལ་མ་དང་ཇ་སོགས་སུ་མར་འཕངས་ཤིང་དེའི་སྟེང་ཆུར་བ་དང་རྩམ་པ་བཏབ་སྟེ་བརྫི་བའི་ཟས་ཤིག་སྟེ། དབུས་གཙང་སོགས་སུ་དེ་ལ་སྤགས་ཟེར་བ་དང༌། ཨ་མདོའི་ཁུལ་དུ་རྩམ་པ་ཞེས་བརྗོད་ཀྱི་ཡོད། སྤགས་སམ་རྩམ་པ་ལ་ལས་སྣོན་བྱེད་སྟངས་སྣ་ཚོགས་ཤིག་ཡོད་པ་སྟེ། དཔེར་ན། རྩམ་པའི་ནང་ཀ་ར་བསྲེས་ཏེ་བརྫི་བའི་ཀར་རྩམ་དང༌། ཞོ་དང་དར་བའི་ནང་བརྫི་བའི་སྐྱུར་རྩམ། མར་མེད་པར་བརྫི་བའི་སྐྱ་རྩམ་བཅས་བཟོས་ནས་བཟའ་བ་དང༌། གཞན་ཙོང་སྒོག་དང་བསིལ་ཕན་སོགས་དང་སྡེབ་ནས་ཀྱང་བཟའ་སྲོལ་ཡོད།
ཞུན་ནི། མར་བཞུས་པའི་ནང་རྩམ་པ་དང༌། ཀ་ར་ཕྱེ་མ། ཆུར་བ་སོགས་བླུགས་ཏེ། སྡེར་མ་དང་དཀར་ཡོལ་སོགས་སྣོད་ནང་བླུགས་ནས་སྐགས་བཅུག་པའི་ཟས་རིགས་ཤིག་ཡིན་ཞིང༌། ཞུན་ནི་དུས་རྒྱུན་སྤྱོད་པའི་ཁ་ཟས་ཤིག་མིན་པར་ལོ་གསར་དང༌། གཉེན་སྟོན་སོགས་ཀྱི་མཛད་སྒོའི་སྐབས་སྤྱོད་པའི་ཟས་རིགས་དམིགས་བསལ་བ་ཞིག་ཡིན་ལ། ཨ་མདོའི་ཡུལ་དུ་ཞུན་གྱི་ཐོག་གསེར་ཁ་ཞེས་མར་བཞུས་ཏེ་སྲབ་ཙམ་བླུགས་ཤིང༌། དེའི་སྟེང་ཤིང་ཏོག་དང་བྱི་རིལ་སོགས་ཀྱི་ཕྲ་རྒྱན་མཛེས་པར་བཀོད་དེ་བཟོ་སྲོལ་ཡོད༌། གཞན་ཞུན་ལ་གྲོ་མ་འཐག་སྟེ་བླུགས་པའི་གྲོ་ཞུན་དང༌། གྲོ་ཕྱེ་ཡིས་བླུགས་པའི་ཕྱེ་ཞུན་བཅས་ཀྱང་ཡོད་ལ། ཞུན་ནི་ལོ་གསར་སྐབས་ཀྱི་ཟས་སྣ་ལེགས་ཤོས་ཤིག་ཡིན་པ་མ་ཟད། སྐུ་མགྲོན་ལ་འབུལ་བའི་ལག་སྐྱེས་གལ་ཆེན་ཞིག་ཀྱང་ཡིན་ནོ།།
སྐྱོ་མ་ནི། རྩམ་པས་བཟོས་པའི་བཏུང་བྱའི་རིགས་ཤིག་སྟེ། རྩམ་སྐྱ་དང་ཆུར་བ་༼ཁག་ཅིག་གིས་མར་ཉུང་ཙམ་འཕེན་སྲོལ་ཡོད་༽བསྲེས་སྦྱོར་བྱས་པའི་ནང་ཇ་བླུགས་རྗེས་དཀྲུགས་ཏེ་འཐུང་བའི་གཤེར་ཁུ་ལ་ཟེར་གྱི་ཡོད། དེར་མིང་འདོགས་སྟངས་མི་འདྲ་བ་འགའ་ཡོད་པ་སྟེ། ཡུལ་ལུང་ལ་ལ་ནས་ཕྱེ་ཁུ་ཟེར་བ་དང༌། ལ་ལ་ནས་སྤྲུགས་ཀ་དང་ཇ་འདུར་སོགས་ཟེར་གྱི་ཡོད།
ཟན་ཆང་ནི། རྩམ་པའམ་སྤགས་ལ་ཆང་རྩི་བསྲེས་ནས་བསྙལ་བའི་རྗེས་སུ་དབྱིབས་བཟོ་ནར་མོ་དང་སྒོར་ལེབ་སོགས་བཟོས་ཏེ་སྐམ་དུ་བཅུག་པའི་ཟས་ཤིག་ལ་ཟེར་ཞིང༌། དེ་ནི་མངར་སྐྱུར་གྱི་བྲོ་བ་ལྡན་པའི་ཟས་རིགས་ཞིམ་པོ་ཞིག་སྟེ། ལྟོགས་སྐོམ་གཉིས་ཀྱི་གདུང་བ་སེལ་ཐུབ་པའི་དམིགས་བསལ་གྱི་ཁྱད་ཆོས་ལྡན་པ་ཞིག་ཡིན། ཟས་རིགས་དེ་ནི་གཙོ་ཆེ་བ་དབུས་གཙང་ས་ཁུལ་དུ་སྤྱོད་ཁྱབ་ཆེ་བ་ཞིག་ཡིན།
རྩམ་ཐུག་ནི། སྔོ་ཚད་སོགས་གཏུབ་སྟེ་ཆུའི་ནང་བཙོས་རྗེས་ནང་དུ་རྩམ་པ་བླུགས་ཤིང་བསྐོལ་ནས་བཏུང་བའི་ཟས་རིགས་ཤིག་སྟེ། ཟས་རིགས་དེ་ནི་བོད་ཡུལ་སྤྱི་ཁྱབ་ཏུ་སྤྱོད་སྲོལ་མེད་པར། མདོ་སྨད་ཀྱི་ས་ཁུལ་འགའ་དང་གཙང་ཁུལ་གྱི་ས་ཆ་འགར་བཀོལ་སྤྱོད་བྱེད་ཀྱིན་ཡོད་ལ། དེར་རྩམ་ཐུག་ཅེས་བརྗོད་ཀྱི་ཡོད།
མར་ཟན་ནི། སྤགས་ལེབ་མོར་གླེབ་པ་གཉིས་ཀྱི་བར་དུ་མར་དང༌། བུ་རམ་སོགས་བཅུག་སྟེ་ཁ་སྤྲོད་དུ་ལེབ་མོར་བྱས་ཏེ་སྐམ་བཅུག་པའི་ཟས་རིགས་ཤིག་ལ་ཟེར་ཞིང༌། དེ་ནི་ལས་དོན་སོགས་ཀྱི་ཆེད་ཕྱི་རོལ་རྒྱང་ཐག་རིང་དུ་བསྐྱོད་པའི་ལམ་རྒྱགས་སུ་འཁྱེར་བར་སྟབས་བདེ་བོ་ཞིག་ཡིན་ལ། ཟས་རིགས་དེ་གཙོ་ཆེར་དབུས་གཙང་ཁུལ་དུ་བཀོལ་སྤྱོད་བྱེད་སྲོལ་ཡོད།
ཕྱེ་མར་ནི། ཇ་སོགས་ཀྱི་བརྫི་ཁུ་མེད་པར་མར་དང་རྩམ་པ་གཉིས་མཉམ་བསྲེས་ཀྱིས་བརྫི་བའི་ཟས་རིགས་ཤིག་ལ་ཟེར་ཞིང༌། ཕྱེ་མར་གྱི་ནང་ཀ་ར་བླུགས་ཡོད་མེད་གཉིས་ཀ་ཡོད། དེ་ཡང་ལམ་ཐག་རིང་པོར་འགྲོ་དུས་ལམ་རྒྱགས་སུ་འཁྱེར་བ་ཡིན་ན་རུལ་སྐྱོན་སོགས་མི་ཤོར་བར་སྤྱོད་སྒོ་ཆེ་བའི་ཟས་རིགས་ཤིག་ཡིན།
མར་ཁུ་ནི། མར་བཞུས་རྗེས་ནང་དུ་རྩམ་པ་བླུགས་ཏེ་དཀྲུགས་ནས་གཤེར་ཁུའི་ཚུལ་དུ་བཟའ་བཏུང་བྱེད་པའི་ཟས་རིགས་ཤིག་ལ་ཟེར། དེ་ནི་དུས་རྒྱུན་བཀོལ་སྤྱོད་མི་བྱེད་པར་ཆོས་ལུགས་དང་འབྲེལ་བའི་དུས་ཆེན་སོགས་ཀྱི་སྐབས་ཐོག་ས་ཁུལ་ལ་ལར་སྤྱོད་སྲོལ་ཡོད། མདོ་སྨད་ཕྱོགས་ཀྱི་ས་ཆ་འགར་ས་ག་ཟླ་བའི་སྨྱུང་གནས་སྐབས་སུ་ལོ་དེའི་སྨྱུང་གནས་སྦྱིན་བདག་རྣམས་ཀྱིས་ལོ་རྗེས་མའི་སྦྱིན་བདག་རྣམས་བོས་ཏེ། གཞུང་གི་རྒྱུ་དངོས་རྩིས་སྤྲོད་ཀྱིས་མགྲོན་བསུ་བྱེད་སྐབས་ནན་གྱིས་མར་ཁུ་ལྡུད་པའི་ལུགས་སྲོལ་ཞིག་དར་ཡོད།
༤ བོད་ཟས་རྩམ་པས་བཟོས་པའི་ཟས་རིགས།
བོད་ཟས་རྩམ་པ་ལས་སྣོན་བྱས་ཏེ་ཟས་རིགས་སྣ་ཚོགས་ཤིག་བཟོ་སྲོལ་ཡོད་པ་སྟེ། དཔེར་ན། སྤགས་དང༌། ཞུན། སྐྱོ་མ། ཟན་ཆང༌། རྩམ་ཐུག རྩམ་ཉོག མར་ཟན། ཕྱེ་མར་སོགས་ཡོད།
སྤགས་ནི། ཆུ་ཁོལ་མ་དང་ཇ་སོགས་སུ་མར་འཕངས་ཤིང་དེའི་སྟེང་ཆུར་བ་དང་རྩམ་པ་བཏབ་སྟེ་བརྫི་བའི་ཟས་ཤིག་སྟེ། དབུས་གཙང་སོགས་སུ་དེ་ལ་སྤགས་ཟེར་བ་དང༌། ཨ་མདོའི་ཁུལ་དུ་རྩམ་པ་ཞེས་བརྗོད་ཀྱི་ཡོད། སྤགས་སམ་རྩམ་པ་ལ་ལས་སྣོན་བྱེད་སྟངས་སྣ་ཚོགས་ཤིག་ཡོད་པ་སྟེ། དཔེར་ན། རྩམ་པའི་ནང་ཀ་ར་བསྲེས་ཏེ་བརྫི་བའི་ཀར་རྩམ་དང༌། ཞོ་དང་དར་བའི་ནང་བརྫི་བའི་སྐྱུར་རྩམ། མར་མེད་པར་བརྫི་བའི་སྐྱ་རྩམ་བཅས་བཟོས་ནས་བཟའ་བ་དང༌། གཞན་ཙོང་སྒོག་དང་བསིལ་ཕན་སོགས་དང་སྡེབ་ནས་ཀྱང་བཟའ་སྲོལ་ཡོད།
ཞུན་ནི། མར་བཞུས་པའི་ནང་རྩམ་པ་དང༌། ཀ་ར་ཕྱེ་མ། ཆུར་བ་སོགས་བླུགས་ཏེ། སྡེར་མ་དང་དཀར་ཡོལ་སོགས་སྣོད་ནང་བླུགས་ནས་སྐགས་བཅུག་པའི་ཟས་རིགས་ཤིག་ཡིན་ཞིང༌། ཞུན་ནི་དུས་རྒྱུན་སྤྱོད་པའི་ཁ་ཟས་ཤིག་མིན་པར་ལོ་གསར་དང༌། གཉེན་སྟོན་སོགས་ཀྱི་མཛད་སྒོའི་སྐབས་སྤྱོད་པའི་ཟས་རིགས་དམིགས་བསལ་བ་ཞིག་ཡིན་ལ། ཨ་མདོའི་ཡུལ་དུ་ཞུན་གྱི་ཐོག་གསེར་ཁ་ཞེས་མར་བཞུས་ཏེ་སྲབ་ཙམ་བླུགས་ཤིང༌། དེའི་སྟེང་ཤིང་ཏོག་དང་བྱི་རིལ་སོགས་ཀྱི་ཕྲ་རྒྱན་མཛེས་པར་བཀོད་དེ་བཟོ་སྲོལ་ཡོད༌། གཞན་ཞུན་ལ་གྲོ་མ་འཐག་སྟེ་བླུགས་པའི་གྲོ་ཞུན་དང༌། གྲོ་ཕྱེ་ཡིས་བླུགས་པའི་ཕྱེ་ཞུན་བཅས་ཀྱང་ཡོད་ལ། ཞུན་ནི་ལོ་གསར་སྐབས་ཀྱི་ཟས་སྣ་ལེགས་ཤོས་ཤིག་ཡིན་པ་མ་ཟད། སྐུ་མགྲོན་ལ་འབུལ་བའི་ལག་སྐྱེས་གལ་ཆེན་ཞིག་ཀྱང་ཡིན་ནོ།།
སྐྱོ་མ་ནི། རྩམ་པས་བཟོས་པའི་བཏུང་བྱའི་རིགས་ཤིག་སྟེ། རྩམ་སྐྱ་དང་ཆུར་བ་༼ཁག་ཅིག་གིས་མར་ཉུང་ཙམ་འཕེན་སྲོལ་ཡོད་༽བསྲེས་སྦྱོར་བྱས་པའི་ནང་ཇ་བླུགས་རྗེས་དཀྲུགས་ཏེ་འཐུང་བའི་གཤེར་ཁུ་ལ་ཟེར་གྱི་ཡོད། དེར་མིང་འདོགས་སྟངས་མི་འདྲ་བ་འགའ་ཡོད་པ་སྟེ། ཡུལ་ལུང་ལ་ལ་ནས་ཕྱེ་ཁུ་ཟེར་བ་དང༌། ལ་ལ་ནས་སྤྲུགས་ཀ་དང་ཇ་འདུར་སོགས་ཟེར་གྱི་ཡོད།
ཟན་ཆང་ནི། རྩམ་པའམ་སྤགས་ལ་ཆང་རྩི་བསྲེས་ནས་བསྙལ་བའི་རྗེས་སུ་དབྱིབས་བཟོ་ནར་མོ་དང་སྒོར་ལེབ་སོགས་བཟོས་ཏེ་སྐམ་དུ་བཅུག་པའི་ཟས་ཤིག་ལ་ཟེར་ཞིང༌། དེ་ནི་མངར་སྐྱུར་གྱི་བྲོ་བ་ལྡན་པའི་ཟས་རིགས་ཞིམ་པོ་ཞིག་སྟེ། ལྟོགས་སྐོམ་གཉིས་ཀྱི་གདུང་བ་སེལ་ཐུབ་པའི་དམིགས་བསལ་གྱི་ཁྱད་ཆོས་ལྡན་པ་ཞིག་ཡིན། ཟས་རིགས་དེ་ནི་གཙོ་ཆེ་བ་དབུས་གཙང་ས་ཁུལ་དུ་སྤྱོད་ཁྱབ་ཆེ་བ་ཞིག་ཡིན།
རྩམ་ཐུག་ནི། སྔོ་ཚད་སོགས་གཏུབ་སྟེ་ཆུའི་ནང་བཙོས་རྗེས་ནང་དུ་རྩམ་པ་བླུགས་ཤིང་བསྐོལ་ནས་བཏུང་བའི་ཟས་རིགས་ཤིག་སྟེ། ཟས་རིགས་དེ་ནི་བོད་ཡུལ་སྤྱི་ཁྱབ་ཏུ་སྤྱོད་སྲོལ་མེད་པར། མདོ་སྨད་ཀྱི་ས་ཁུལ་འགའ་དང་གཙང་ཁུལ་གྱི་ས་ཆ་འགར་བཀོལ་སྤྱོད་བྱེད་ཀྱིན་ཡོད་ལ། དེར་རྩམ་ཐུག་ཅེས་བརྗོད་ཀྱི་ཡོད།
མར་ཟན་ནི། སྤགས་ལེབ་མོར་གླེབ་པ་གཉིས་ཀྱི་བར་དུ་མར་དང༌། བུ་རམ་སོགས་བཅུག་སྟེ་ཁ་སྤྲོད་དུ་ལེབ་མོར་བྱས་ཏེ་སྐམ་བཅུག་པའི་ཟས་རིགས་ཤིག་ལ་ཟེར་ཞིང༌། དེ་ནི་ལས་དོན་སོགས་ཀྱི་ཆེད་ཕྱི་རོལ་རྒྱང་ཐག་རིང་དུ་བསྐྱོད་པའི་ལམ་རྒྱགས་སུ་འཁྱེར་བར་སྟབས་བདེ་བོ་ཞིག་ཡིན་ལ། ཟས་རིགས་དེ་གཙོ་ཆེར་དབུས་གཙང་ཁུལ་དུ་བཀོལ་སྤྱོད་བྱེད་སྲོལ་ཡོད།
ཕྱེ་མར་ནི། ཇ་སོགས་ཀྱི་བརྫི་ཁུ་མེད་པར་མར་དང་རྩམ་པ་གཉིས་མཉམ་བསྲེས་ཀྱིས་བརྫི་བའི་ཟས་རིགས་ཤིག་ལ་ཟེར་ཞིང༌། ཕྱེ་མར་གྱི་ནང་ཀ་ར་བླུགས་ཡོད་མེད་གཉིས་ཀ་ཡོད། དེ་ཡང་ལམ་ཐག་རིང་པོར་འགྲོ་དུས་ལམ་རྒྱགས་སུ་འཁྱེར་བ་ཡིན་ན་རུལ་སྐྱོན་སོགས་མི་ཤོར་བར་སྤྱོད་སྒོ་ཆེ་བའི་ཟས་རིགས་ཤིག་ཡིན།
མར་ཁུ་ནི། མར་བཞུས་རྗེས་ནང་དུ་རྩམ་པ་བླུགས་ཏེ་དཀྲུགས་ནས་གཤེར་ཁུའི་ཚུལ་དུ་བཟའ་བཏུང་བྱེད་པའི་ཟས་རིགས་ཤིག་ལ་ཟེར། དེ་ནི་དུས་རྒྱུན་བཀོལ་སྤྱོད་མི་བྱེད་པར་ཆོས་ལུགས་དང་འབྲེལ་བའི་དུས་ཆེན་སོགས་ཀྱི་སྐབས་ཐོག་ས་ཁུལ་ལ་ལར་སྤྱོད་སྲོལ་ཡོད། མདོ་སྨད་ཕྱོགས་ཀྱི་ས་ཆ་འགར་ས་ག་ཟླ་བའི་སྨྱུང་གནས་སྐབས་སུ་ལོ་དེའི་སྨྱུང་གནས་སྦྱིན་བདག་རྣམས་ཀྱིས་ལོ་རྗེས་མའི་སྦྱིན་བདག་རྣམས་བོས་ཏེ། གཞུང་གི་རྒྱུ་དངོས་རྩིས་སྤྲོད་ཀྱིས་མགྲོན་བསུ་བྱེད་སྐབས་ནན་གྱིས་མར་ཁུ་ལྡུད་པའི་ལུགས་སྲོལ་ཞིག་དར་ཡོད།
September 19, 2011
༢ བོད་ཟས་རྩམ་པའི་རྣམ་དབྱེ།
སྤྱིའི་ཆ་ནས་བརྗོད་ན་རྩམ་པ་ནི་ནས་བརྔོས་མ་ཞིབ་ཏུ་འཐག་པའི་རྩམ་སྐྱ་དང་། དེ་མར་ཆུར་དང་བསྡེབས་ནས་བརྫིས་ཏེ་བཟའ་བའི་ཟས་དེ་ལ་ཟེར་གྱི་ཡོད་མོད། འོན་ཀྱང་རྩམ་པའི་རྒྱུ་ནི་ནས་གཅིག་པུར་མ་ངེས་པར་གྲོ་དང་སྲན་མ་བཅས་ཡོད་པས། ངོ་བོའི་སྒོ་ནས་ནས་རྩམ་དང༌། གྲོ་རྩམ། སྲན་རྩམ་གསུམ་དུ་དབྱེ་ཆོག གཞན་ལས་བཟོའི་ཆ་ནས་དྲུས་བརྒྱབ་ནས་ཞིབ་ཏུ་འཐག་པའི་ནས་རྩམ་ལ་རྩམ་ཞིབ་དང༌། སྲན་མའི་པགས་ཤུན་ཕུད་དེ་ཞིབ་ཚགས་སུ་འཐག་པའི་སྲན་རྩམ་ལ་སྲན་ཞིབ། དེ་མིན་ནས་དང་སྲན་མ་གཉིས་འདྲེས་མར་འཐག་པའི་རྩམ་པ་ལ་སྲན་སྤེན་ཞེས་ཟེར་གྱི་ཡོད།
༣ བོད་ཟས་རྩམ་པ་ལས་སྣོན་བྱེད་སྟངས།
བོད་ཟས་རྩམ་པ་ཐོག་མར་ལས་སྣོན་བྱེད་སྐབས་ནས་སྲན་སོགས་རྩམ་པའི་རྒྱུ་རྣམས་རློན་འཐག་གིས་བཟོ་བ་ཞིག་མ་ཡིན་པར། ངེས་པར་དུ་ནས་སྲན་སོགས་གཙང་སེལ་བྱས་ཏེ་བརྔོས་རྗེས་འཐག་དགོས་པ་ཡིན། ནས་བརྔོས་ཟིན་པ་དེ་ལ་ཡས་ཟེར་གྱི་ཡོད། ནས་སོགས་བརྔོ་སྟངས་ནི་སླ་ངའི་ནང་བྱེ་མ་བླུགས་ཏེ་ཐབ་ཀྱི་མེ་འབར་ཤུགས་ཆེ་ཆུང་རན་ཙམ་དང་བསྟུན་ནས་བརྔོ་བ་དང༌། ཡང་ཡུལ་དུས་སོགས་ཀྱི་དབང་གིས་ས་ཆ་ལ་ལར་བྱེ་མ་མེད་པར་སླ་ངའི་ནང་ཐད་ཀར་བརྔོ་སྲོལ་ཡང་ཡོད་པས། དེ་ནི་བྱེ་མའི་ནང་བརྔོས་པ་བཞིན་གྱི་བརྔོ་ཐག་ཆོད་པ་ཞིག་མི་ཡོང་སྟབས་རྩམ་པ་དེ་འདྲའི་ཞིམ་པོ་ཞིག་མིན།
རྩམ་པ་འཐག་སྤྱོད་ཀྱི་ཡོ་ཆས་བོད་ཡུལ་དུ་དར་སྲོལ་སྔ་བ་ནི་རྒྱུ་རྡོ་བ་ལས་གྲུབ་པའི་ཡས་གཏུན་དང་མས་གཏུན་གཉིས་༼འདི་ལ་ལྷ་ས་བས་རང་འཐག་དང་ཨ་མདོའི་ས་ཆ་འགར་ལག་བསྐོར་ཟེར༽བཀོལ་སྤྱོད་ཀྱིས་ལག་པས་བསྐོར་ཏེ་འཐག་སྲོལ་ཡོད་པ་དེ་ལ་ལག་འཐག་ཟེར་བ་དང༌། རིམ་བཞིན་ཆུ་ཡིས་བསྐོར་ཏེ་འཐག་སྲོལ་ཞིག་ཀྱང་བྱུང་བ་དེ་ལ་ཆུ་འཐག་ཟེར་གྱི་ཡོད། དེང་སྐབས་ཚན་རིག་དར་རྒྱས་དང་སྤྱི་ཚོགས་འཕེལ་རྒྱས་བྱུང་བ་དང་བསྟུན་རྩམ་པ་འཐག་པའི་འཕྲུལ་ཆས་བྱུང་སྟེ་བོད་མི་རྣམས་དེ་ལ་ཕྱོགས་བཞིན་ཡོད་ནའང༌། མང་ཚོགས་ཀྱི་ཤོད་སྲོལ་ལ་འཕྲུལ་ཆས་སམ་གློག་གིས་འཐག་པའི་རྩམ་པ་དེ་བོད་རང་གི་ལག་ཤེས་ཀྱི་རྒྱུན་དང་ལྡན་པའི་སྔར་གྱི་ལག་འཐག་དང་ཆུ་འཐག་བྱས་པའི་རྩམ་པ་དང་བསྡུར་ན་བྲོ་བ་ཞིམ་པོ་མིན་པར་བརྗོད་ཀྱིན་ཡོད་པ་དོན་དངོས་ཡིན་ནའང༌། ངལ་རྩོལ་གྱི་ལས་ཚེགས་ལ་གཞིགས་ཏེ་ཕལ་ཆེ་བ་འཕྲུལ་ཆས་ཀྱིས་འཐག་པར་རང་འགུལ་ངང་གིས་་ཞུགས་ཏེ། དེང་སྐབས་ས་ཆ་རེ་འགའ་ན་མ་གཏོགས་བོད་རང་གི་གནའ་སྲོལ་ལག་འཐག་དང་ཆུ་འཐག་བྱེད་སྲོལ་དེ་རིམ་བཞིན་ཉམས་ཏེ་མེད་པ་ཆགས་བཞིན་ཡོད།
༢ བོད་ཟས་རྩམ་པའི་རྣམ་དབྱེ།
སྤྱིའི་ཆ་ནས་བརྗོད་ན་རྩམ་པ་ནི་ནས་བརྔོས་མ་ཞིབ་ཏུ་འཐག་པའི་རྩམ་སྐྱ་དང་། དེ་མར་ཆུར་དང་བསྡེབས་ནས་བརྫིས་ཏེ་བཟའ་བའི་ཟས་དེ་ལ་ཟེར་གྱི་ཡོད་མོད། འོན་ཀྱང་རྩམ་པའི་རྒྱུ་ནི་ནས་གཅིག་པུར་མ་ངེས་པར་གྲོ་དང་སྲན་མ་བཅས་ཡོད་པས། ངོ་བོའི་སྒོ་ནས་ནས་རྩམ་དང༌། གྲོ་རྩམ། སྲན་རྩམ་གསུམ་དུ་དབྱེ་ཆོག གཞན་ལས་བཟོའི་ཆ་ནས་དྲུས་བརྒྱབ་ནས་ཞིབ་ཏུ་འཐག་པའི་ནས་རྩམ་ལ་རྩམ་ཞིབ་དང༌། སྲན་མའི་པགས་ཤུན་ཕུད་དེ་ཞིབ་ཚགས་སུ་འཐག་པའི་སྲན་རྩམ་ལ་སྲན་ཞིབ། དེ་མིན་ནས་དང་སྲན་མ་གཉིས་འདྲེས་མར་འཐག་པའི་རྩམ་པ་ལ་སྲན་སྤེན་ཞེས་ཟེར་གྱི་ཡོད།
༣ བོད་ཟས་རྩམ་པ་ལས་སྣོན་བྱེད་སྟངས།
བོད་ཟས་རྩམ་པ་ཐོག་མར་ལས་སྣོན་བྱེད་སྐབས་ནས་སྲན་སོགས་རྩམ་པའི་རྒྱུ་རྣམས་རློན་འཐག་གིས་བཟོ་བ་ཞིག་མ་ཡིན་པར། ངེས་པར་དུ་ནས་སྲན་སོགས་གཙང་སེལ་བྱས་ཏེ་བརྔོས་རྗེས་འཐག་དགོས་པ་ཡིན། ནས་བརྔོས་ཟིན་པ་དེ་ལ་ཡས་ཟེར་གྱི་ཡོད། ནས་སོགས་བརྔོ་སྟངས་ནི་སླ་ངའི་ནང་བྱེ་མ་བླུགས་ཏེ་ཐབ་ཀྱི་མེ་འབར་ཤུགས་ཆེ་ཆུང་རན་ཙམ་དང་བསྟུན་ནས་བརྔོ་བ་དང༌། ཡང་ཡུལ་དུས་སོགས་ཀྱི་དབང་གིས་ས་ཆ་ལ་ལར་བྱེ་མ་མེད་པར་སླ་ངའི་ནང་ཐད་ཀར་བརྔོ་སྲོལ་ཡང་ཡོད་པས། དེ་ནི་བྱེ་མའི་ནང་བརྔོས་པ་བཞིན་གྱི་བརྔོ་ཐག་ཆོད་པ་ཞིག་མི་ཡོང་སྟབས་རྩམ་པ་དེ་འདྲའི་ཞིམ་པོ་ཞིག་མིན།
རྩམ་པ་འཐག་སྤྱོད་ཀྱི་ཡོ་ཆས་བོད་ཡུལ་དུ་དར་སྲོལ་སྔ་བ་ནི་རྒྱུ་རྡོ་བ་ལས་གྲུབ་པའི་ཡས་གཏུན་དང་མས་གཏུན་གཉིས་༼འདི་ལ་ལྷ་ས་བས་རང་འཐག་དང་ཨ་མདོའི་ས་ཆ་འགར་ལག་བསྐོར་ཟེར༽བཀོལ་སྤྱོད་ཀྱིས་ལག་པས་བསྐོར་ཏེ་འཐག་སྲོལ་ཡོད་པ་དེ་ལ་ལག་འཐག་ཟེར་བ་དང༌། རིམ་བཞིན་ཆུ་ཡིས་བསྐོར་ཏེ་འཐག་སྲོལ་ཞིག་ཀྱང་བྱུང་བ་དེ་ལ་ཆུ་འཐག་ཟེར་གྱི་ཡོད། དེང་སྐབས་ཚན་རིག་དར་རྒྱས་དང་སྤྱི་ཚོགས་འཕེལ་རྒྱས་བྱུང་བ་དང་བསྟུན་རྩམ་པ་འཐག་པའི་འཕྲུལ་ཆས་བྱུང་སྟེ་བོད་མི་རྣམས་དེ་ལ་ཕྱོགས་བཞིན་ཡོད་ནའང༌། མང་ཚོགས་ཀྱི་ཤོད་སྲོལ་ལ་འཕྲུལ་ཆས་སམ་གློག་གིས་འཐག་པའི་རྩམ་པ་དེ་བོད་རང་གི་ལག་ཤེས་ཀྱི་རྒྱུན་དང་ལྡན་པའི་སྔར་གྱི་ལག་འཐག་དང་ཆུ་འཐག་བྱས་པའི་རྩམ་པ་དང་བསྡུར་ན་བྲོ་བ་ཞིམ་པོ་མིན་པར་བརྗོད་ཀྱིན་ཡོད་པ་དོན་དངོས་ཡིན་ནའང༌། ངལ་རྩོལ་གྱི་ལས་ཚེགས་ལ་གཞིགས་ཏེ་ཕལ་ཆེ་བ་འཕྲུལ་ཆས་ཀྱིས་འཐག་པར་རང་འགུལ་ངང་གིས་་ཞུགས་ཏེ། དེང་སྐབས་ས་ཆ་རེ་འགའ་ན་མ་གཏོགས་བོད་རང་གི་གནའ་སྲོལ་ལག་འཐག་དང་ཆུ་འཐག་བྱེད་སྲོལ་དེ་རིམ་བཞིན་ཉམས་ཏེ་མེད་པ་ཆགས་བཞིན་ཡོད།
རྩེ་སྐར་ཟིན་བྲིས་ལས་བཤུས་།
September 16, 2011
༡ བོད་དུ་རྩམ་པ་བྱུང་དུས།
བོད་ཀྱི་སྤྱི་ཚོགས་ཁྲོད་ཡོངས་ཁྱབ་ཀྱིས་སྤྱོད་ཁྱབ་ཆེ་བའི་ཟས་རིགས་རྩམ་པ་ནི་བོད་མི་ཡོད་དོ་ཅོག་གི་བཟའ་བྱ་གཙོ་བོ་ཞིག་ཡིན་པ་ནི། ངག་རྒྱུན་དུའང་བོད་མི་རྩམ་གཟན་ཞེས་འབོད་སྲོལ་ཡོད་པ་ལས་རྟོགས་ཐུབ། བོད་ཟས་གཙོ་བོ་རྩམ་པ་དུས་ནམ་ཞིག་ནས་བྱུང་བར་ངོས་འཛིན་གཏན་འཁེལ་བྱེད་མི་ཐུབ་ནའང༌། ང་ཚོས་བོད་མིའི་བྱུང་རབས་ལོ་རྒྱུས་དང་ཤེས་རིག་དར་འཕེལ་ལ་ཕྱིར་བལྟས་ཤིག་བྱས་པ་ཡིན་ན་བོད་ཟས་རྩམ་པ་དེ་བྱུང་བའི་དུས་སྐབས་ཙམ་ཚོད་དཔག་བྱ་ཐུབ། དེ་ལ་བོད་དུ་འགྲོ་བ་མི་བྱུང་ཚུལ་གྱི་ལྷ་སྒྲུང་དེ་རྟོག་བཟོའི་རྣམ་པ་ཞིག་ཡིན་ནའང༌། དེ་ལས་འཕགས་པ་སྤྱན་རས་གཟིགས་ཀྱིས་གྲོ་དང༌། ནས། སྲན་མ། བྲ་བོ། སོ་བ་བཅས་རི་རབ་ཀྱི་ཁོང་གསེང་གཏོར་བ་ལས་མ་རྨོས་ལོ་ཏོག་ཟས་སུ་སྤྱད་པའི་སྐལ་བ་བྱུང་བར་བཤད་པའི་འགྲོས་ལ་དཔག་ན། བོད་དུ་ཆེས་སྔ་བའི་ཟས་རིགས་ནི་གྲོ་ནས་སྲན་མ་སོགས་ལོངས་སུ་སྤྱོད་པ་དེ་ཡིན་པ་གསལ་པོར་ཤེས་རྟོགས་ཐུབ་མོད། འོན་ཀྱང་གྲོ་ནས་སྲན་གསུམ་ལས་སྣོན་ཞིབ་འཐག་གིས་རྩམ་པ་བཟའ་བའི་སྲོལ་སྐབས་དེ་ཙམ་ནས་བྱུང་མེད་པར་མངོན།
རིམ་པས་དུས་རབས་ངེས་ཅན་ཞིག་བརྒྱུད་མྱོང་གིས་འཚོ་བའི་ངལ་རྩོལ་གྱི་རྒྱུན་དང་བསྟུན་མི་རྣམས་ཀྱི་བློ་རིག་ཇེ་གསལ་དང་གོང་འཕེལ་དུ་སོང་ཞིང༌། ཤེས་རིག་ལག་ཤེས་དར་སྤེལ་གྱིས་རང་བྱུང་ཁམས་ལས་བྱུང་བའི་ཐོན་རྫས་རིགས་སྣ་ཚོགས་བཀོལ་སྤྱོད་ཤེས་ཤིང༌། ཞིང་ལས་ཐོན་སྐྱེད་སྤེལ་ཏེ་ཞིང་ཁ་རྨོ་འདེབས་ཤེས་པ་ནས་བོད་མི་རིགས་ཀྱིས་གྲོ་ནས་སྲན་གསུམ་ལས་སྣོན་ཞིབ་འཐག་གིས་རྩམ་པ་བཟའ་བའི་སྲོལ་དེ་བྱུང་བ་ཞིག་ཡིན་པར་སྙམ། དེ་ནི་ལོ་དུས་གཏན་ཐག་ཆོད་པ་ཞིག་ངོས་འཛིན་བྱེད་དཀའ་ན་ཡང༌། བོད་མིས་རང་བྱུང་ཐོན་རྫས་སྣ་ཚོགས་ལས་སྣོན་བེད་སྤྱོད་བྱེད་ཐུབ་པ་དང༌། ཐང་ཐམས་ཅད་ཞིང་དུ་བསྒྱུར་ནས་ཞིང་ལས་ངལ་རྩོལ་གྱི་ལས་དེ་བོད་རྒྱལ་ཐོག་མ་གཉན་ཁྲི་བཙན་པོའི་གོང་རོལ་ནས་བྱུང་ཡོད་པ་ལོ་རྒྱུས་སུ་གསལ་བཤད་བྱས་ཡོད་པས་ན། བོད་མིའི་ཟས་ཀྱི་གཙོ་བོ་རྩམ་པ་བཟའ་བའི་སྲོལ་དུས་སྐབས་དེ་ཙམ་ཞིག་ཏུ་བྱུང་ཡོད་པར་ངོས་འཛིན་བྱས་ཆོག་པ་དང༌། གཉའ་ཁྲི་བཙན་པོ་ནི་ཕྱི་ལོ་སྔོན་གྱི་དུས་རབས་ལྔ་དྲུག་ཙམ་གྱི་ནང་དུ་བྱུང་བ་ཡོངས་གྲགས་ལྟ་བུ་ཡིན་པ་དེ་བཞིན་རགས་རྩིས་བྱས་ན། བོད་ཟས་རྩམ་པ་ནི་ད་ནས་རྩིས་པའི་ལོ་ངོ་སྟོང་ཕྲག་གསུམ་ཙམ་གྱི་ཡར་སྔོན་ནས་བྱུང་ཡོད་པར་ཚོད་དཔག་བྱས་ཆོག།
༡ བོད་དུ་རྩམ་པ་བྱུང་དུས།
བོད་ཀྱི་སྤྱི་ཚོགས་ཁྲོད་ཡོངས་ཁྱབ་ཀྱིས་སྤྱོད་ཁྱབ་ཆེ་བའི་ཟས་རིགས་རྩམ་པ་ནི་བོད་མི་ཡོད་དོ་ཅོག་གི་བཟའ་བྱ་གཙོ་བོ་ཞིག་ཡིན་པ་ནི། ངག་རྒྱུན་དུའང་བོད་མི་རྩམ་གཟན་ཞེས་འབོད་སྲོལ་ཡོད་པ་ལས་རྟོགས་ཐུབ། བོད་ཟས་གཙོ་བོ་རྩམ་པ་དུས་ནམ་ཞིག་ནས་བྱུང་བར་ངོས་འཛིན་གཏན་འཁེལ་བྱེད་མི་ཐུབ་ནའང༌། ང་ཚོས་བོད་མིའི་བྱུང་རབས་ལོ་རྒྱུས་དང་ཤེས་རིག་དར་འཕེལ་ལ་ཕྱིར་བལྟས་ཤིག་བྱས་པ་ཡིན་ན་བོད་ཟས་རྩམ་པ་དེ་བྱུང་བའི་དུས་སྐབས་ཙམ་ཚོད་དཔག་བྱ་ཐུབ། དེ་ལ་བོད་དུ་འགྲོ་བ་མི་བྱུང་ཚུལ་གྱི་ལྷ་སྒྲུང་དེ་རྟོག་བཟོའི་རྣམ་པ་ཞིག་ཡིན་ནའང༌། དེ་ལས་འཕགས་པ་སྤྱན་རས་གཟིགས་ཀྱིས་གྲོ་དང༌། ནས། སྲན་མ། བྲ་བོ། སོ་བ་བཅས་རི་རབ་ཀྱི་ཁོང་གསེང་གཏོར་བ་ལས་མ་རྨོས་ལོ་ཏོག་ཟས་སུ་སྤྱད་པའི་སྐལ་བ་བྱུང་བར་བཤད་པའི་འགྲོས་ལ་དཔག་ན། བོད་དུ་ཆེས་སྔ་བའི་ཟས་རིགས་ནི་གྲོ་ནས་སྲན་མ་སོགས་ལོངས་སུ་སྤྱོད་པ་དེ་ཡིན་པ་གསལ་པོར་ཤེས་རྟོགས་ཐུབ་མོད། འོན་ཀྱང་གྲོ་ནས་སྲན་གསུམ་ལས་སྣོན་ཞིབ་འཐག་གིས་རྩམ་པ་བཟའ་བའི་སྲོལ་སྐབས་དེ་ཙམ་ནས་བྱུང་མེད་པར་མངོན།
རིམ་པས་དུས་རབས་ངེས་ཅན་ཞིག་བརྒྱུད་མྱོང་གིས་འཚོ་བའི་ངལ་རྩོལ་གྱི་རྒྱུན་དང་བསྟུན་མི་རྣམས་ཀྱི་བློ་རིག་ཇེ་གསལ་དང་གོང་འཕེལ་དུ་སོང་ཞིང༌། ཤེས་རིག་ལག་ཤེས་དར་སྤེལ་གྱིས་རང་བྱུང་ཁམས་ལས་བྱུང་བའི་ཐོན་རྫས་རིགས་སྣ་ཚོགས་བཀོལ་སྤྱོད་ཤེས་ཤིང༌། ཞིང་ལས་ཐོན་སྐྱེད་སྤེལ་ཏེ་ཞིང་ཁ་རྨོ་འདེབས་ཤེས་པ་ནས་བོད་མི་རིགས་ཀྱིས་གྲོ་ནས་སྲན་གསུམ་ལས་སྣོན་ཞིབ་འཐག་གིས་རྩམ་པ་བཟའ་བའི་སྲོལ་དེ་བྱུང་བ་ཞིག་ཡིན་པར་སྙམ། དེ་ནི་ལོ་དུས་གཏན་ཐག་ཆོད་པ་ཞིག་ངོས་འཛིན་བྱེད་དཀའ་ན་ཡང༌། བོད་མིས་རང་བྱུང་ཐོན་རྫས་སྣ་ཚོགས་ལས་སྣོན་བེད་སྤྱོད་བྱེད་ཐུབ་པ་དང༌། ཐང་ཐམས་ཅད་ཞིང་དུ་བསྒྱུར་ནས་ཞིང་ལས་ངལ་རྩོལ་གྱི་ལས་དེ་བོད་རྒྱལ་ཐོག་མ་གཉན་ཁྲི་བཙན་པོའི་གོང་རོལ་ནས་བྱུང་ཡོད་པ་ལོ་རྒྱུས་སུ་གསལ་བཤད་བྱས་ཡོད་པས་ན། བོད་མིའི་ཟས་ཀྱི་གཙོ་བོ་རྩམ་པ་བཟའ་བའི་སྲོལ་དུས་སྐབས་དེ་ཙམ་ཞིག་ཏུ་བྱུང་ཡོད་པར་ངོས་འཛིན་བྱས་ཆོག་པ་དང༌། གཉའ་ཁྲི་བཙན་པོ་ནི་ཕྱི་ལོ་སྔོན་གྱི་དུས་རབས་ལྔ་དྲུག་ཙམ་གྱི་ནང་དུ་བྱུང་བ་ཡོངས་གྲགས་ལྟ་བུ་ཡིན་པ་དེ་བཞིན་རགས་རྩིས་བྱས་ན། བོད་ཟས་རྩམ་པ་ནི་ད་ནས་རྩིས་པའི་ལོ་ངོ་སྟོང་ཕྲག་གསུམ་ཙམ་གྱི་ཡར་སྔོན་ནས་བྱུང་ཡོད་པར་ཚོད་དཔག་བྱས་ཆོག།
རྩེ་སྐར་ཟིན་བྲིས་ལས་བཤུས་།
September 16, 2011
རྩམ་པ་།
སྤྱིར་བོད་མི་རིགས་འདི་ཇི་ལྟར་འཚོ་གནས་འཕེལ་རྒྱས་བྱུང་བའི་ངག་རྒྱུན་ལོ་རྒྱུས་ཤིག་སྤྱི་མཚུངས་ཀྱི་ཚུལ་དུ་ཡོད་པ་དེ་ལྟར་ན། གོས་སུ་ཤིང་ལོ་གྱོན་ཞིང་ཟས་སུ་ཤིང་ཏོག་ཟ་བའི་བརྒྱུད་རིམ་ཞིག་ཡོད་པའི་བརྗོད་བབ་ལས། ཟས་རིགས་རོལ་སྤྱོད་ཀྱི་ཐོག་མ་ནི་མ་རྨོས་ལོ་ཏོག་ཡིན་པའི་ཤོད་སྲོལ་དེས་བོད་མི་རིགས་ཀྱི་འཚོ་བའི་ཟས་རིགས་ཀྱི་གཙོ་བོའམ་ཐོག་མ་ནི་གང་ཡིན་པ་གསལ་སྟོན་བྱས་ཡོད་པ་དེ་མཚུངས། ང་ཚོས་ཤེས་ཐུབ་པ་ནི་འབྲུ་རིགས་སྣ་ལྔ་ནི་བོད་མིའི་ཟས་སུ་ལོངས་སྤྱོད་བྱེད་པའི་ཟས་རིགས་གལ་ཆེ་བ་ཞིག་ཡིན་པ་ངང་གིས་རྟོགས་ཐུབ་ལ། དེང་ནའང་མ་ཉམས་རོལ་མྱོང་བྱས་དང་བྱེད་བཞིན་པའི་བོད་མིའི་ཟས་ཀྱི་གཙོ་བོ་རྩམ་པ་དང༌། གྲོ་ཞིབ། འབྲས། སྲན་མ་བཅས་བོད་ཁམས་ཡོངས་སུ་སྤྱོད་སྒོ་ཆེ་བའི་ཚུལ་དུ་གྱུར་ནས་ཡོད།
རྩམ་པ་།
སྤྱིར་བོད་མི་རིགས་འདི་ཇི་ལྟར་འཚོ་གནས་འཕེལ་རྒྱས་བྱུང་བའི་ངག་རྒྱུན་ལོ་རྒྱུས་ཤིག་སྤྱི་མཚུངས་ཀྱི་ཚུལ་དུ་ཡོད་པ་དེ་ལྟར་ན། གོས་སུ་ཤིང་ལོ་གྱོན་ཞིང་ཟས་སུ་ཤིང་ཏོག་ཟ་བའི་བརྒྱུད་རིམ་ཞིག་ཡོད་པའི་བརྗོད་བབ་ལས། ཟས་རིགས་རོལ་སྤྱོད་ཀྱི་ཐོག་མ་ནི་མ་རྨོས་ལོ་ཏོག་ཡིན་པའི་ཤོད་སྲོལ་དེས་བོད་མི་རིགས་ཀྱི་འཚོ་བའི་ཟས་རིགས་ཀྱི་གཙོ་བོའམ་ཐོག་མ་ནི་གང་ཡིན་པ་གསལ་སྟོན་བྱས་ཡོད་པ་དེ་མཚུངས། ང་ཚོས་ཤེས་ཐུབ་པ་ནི་འབྲུ་རིགས་སྣ་ལྔ་ནི་བོད་མིའི་ཟས་སུ་ལོངས་སྤྱོད་བྱེད་པའི་ཟས་རིགས་གལ་ཆེ་བ་ཞིག་ཡིན་པ་ངང་གིས་རྟོགས་ཐུབ་ལ། དེང་ནའང་མ་ཉམས་རོལ་མྱོང་བྱས་དང་བྱེད་བཞིན་པའི་བོད་མིའི་ཟས་ཀྱི་གཙོ་བོ་རྩམ་པ་དང༌། གྲོ་ཞིབ། འབྲས། སྲན་མ་བཅས་བོད་ཁམས་ཡོངས་སུ་སྤྱོད་སྒོ་ཆེ་བའི་ཚུལ་དུ་གྱུར་ནས་ཡོད།
རྩེ་སྐར་ཟིན་བྲིས་ལས་བཤུས་།
September 15, 2011
ལེགས་བྱས་བསོད་ནམས་གསར་བའི་ལྟོ་བ་ལས།།
ནས་འབྲུ་སྔོན་མོའི་ཟླ་གཞོན་ཡོངས་འཛུམ་པས།།
གངས་རིའི་འཇོ་སྒེག་ངོམ་པའི་མར་ལོ་ཉིད།།
འཛུམ་གྱི་པད་ཚལ་ངོགས་ན་བཟི་ཞིང་འཁྱོར།།
སྐབས་གསུམ་ལྷ་ཡི་མཛོད་དུ་མ་མཆིས་ལ།།
ཀླུ་དབང་རྒྱལ་པོའི་མིག་གིས་མ་མཐོང་བའི།།
ཟས་ཀྱི་མཆོག་གྱུར་སྦྲང་དཀར་རྩམ་པ་ནི།།
གདོང་དམར་བོད་པའི་སེམས་ན་འོད་དུ་འཚེར།།
རི་བོ་མ་ལ་ཡ་ཡི་དྲི་བསུང་དེ།།
འཇིག་རྟེན་བྱེད་པོས་འཕྲུལ་གྱིས་བསུས་བ་ལྟར།།
སྦྲང་དཀར་རྩམ་པའི་དྲི་མ་ཞིམ་པོ་དེ།།
སྐྱེ་དགུའི་ཡིད་དབང་གསོ་བའི་བཅུད་དུ་སྨིན།།
ན་ཆུང་བྱིས་པའི་རྣམ་དཔྱོད་གློག་ལྟར་མྱུར།།
སྨན་ཆུང་བུ་མོའི་ལང་ཚོ་ལྟ་ན་སྡུག།
སྟག་ཤར་གཞོན་ནུའི་དཔའ་རྩལ་ངོམ་པ་ཡང་།།
ཞིབ་ཏུ་བསམ་ན་སྦྲང་དཀར་རྩམ་པའི་དྲིན།།
རྒན་པའི་ལུས་ཟུངས་གསོ་བའི་སྨན་གྱི་མཆོག།
ལྷ་ལ་འཕྲིན་ལས་བཅོལ་དུས་ནོར་གྱི་ཕུལ།།
མི་མཐུན་ནད་ལས་གྲོལ་བའི་གཉེན་པོ་སྟེ།།
སྦྲང་དཀར་རྩམ་པའི་གཟི་བྱིན་བླ་ན་མཐོ།།
ཚན་རྩལ་ཤེས་བྱའི་དབུ་འཕང་མཐོ་ན་ཡང་།།
དུས་ཀྱི་འགྱུར་བག་ཇི་འདྲ་རྒོད་ན་ཡང་།།
སྦྲང་དཀར་རྩམ་པ་ལྟ་བུའི་ཟས་མཆོག་ཅིག།
སྟོང་གསུམ་འཇིག་རྟེན་གང་དུའང་ཡོད་མ་ཡིན།།
དེ་ལྟའི་རང་གི་སེམས་ཀྱི་དྲན་ཚུལ་ཙམ།།
སྙན་པའི་ངག་ལ་བརྒྱུས་ཏེ་བསྲིངས་བ་ན།།
སྦྲང་དཀར་རྩམ་པའི་བཅུད་ལ་སིམ་པ་ལྟར།།
སྙིང་གི་གྲོགས་རྣམས་རྒྱས་པའི་གསོས་སུ་སྨོན།།
ལེགས་བྱས་བསོད་ནམས་གསར་བའི་ལྟོ་བ་ལས།།
ནས་འབྲུ་སྔོན་མོའི་ཟླ་གཞོན་ཡོངས་འཛུམ་པས།།
གངས་རིའི་འཇོ་སྒེག་ངོམ་པའི་མར་ལོ་ཉིད།།
འཛུམ་གྱི་པད་ཚལ་ངོགས་ན་བཟི་ཞིང་འཁྱོར།།
སྐབས་གསུམ་ལྷ་ཡི་མཛོད་དུ་མ་མཆིས་ལ།།
ཀླུ་དབང་རྒྱལ་པོའི་མིག་གིས་མ་མཐོང་བའི།།
ཟས་ཀྱི་མཆོག་གྱུར་སྦྲང་དཀར་རྩམ་པ་ནི།།
གདོང་དམར་བོད་པའི་སེམས་ན་འོད་དུ་འཚེར།།
རི་བོ་མ་ལ་ཡ་ཡི་དྲི་བསུང་དེ།།
འཇིག་རྟེན་བྱེད་པོས་འཕྲུལ་གྱིས་བསུས་བ་ལྟར།།
སྦྲང་དཀར་རྩམ་པའི་དྲི་མ་ཞིམ་པོ་དེ།།
སྐྱེ་དགུའི་ཡིད་དབང་གསོ་བའི་བཅུད་དུ་སྨིན།།
ན་ཆུང་བྱིས་པའི་རྣམ་དཔྱོད་གློག་ལྟར་མྱུར།།
སྨན་ཆུང་བུ་མོའི་ལང་ཚོ་ལྟ་ན་སྡུག།
སྟག་ཤར་གཞོན་ནུའི་དཔའ་རྩལ་ངོམ་པ་ཡང་།།
ཞིབ་ཏུ་བསམ་ན་སྦྲང་དཀར་རྩམ་པའི་དྲིན།།
རྒན་པའི་ལུས་ཟུངས་གསོ་བའི་སྨན་གྱི་མཆོག།
ལྷ་ལ་འཕྲིན་ལས་བཅོལ་དུས་ནོར་གྱི་ཕུལ།།
མི་མཐུན་ནད་ལས་གྲོལ་བའི་གཉེན་པོ་སྟེ།།
སྦྲང་དཀར་རྩམ་པའི་གཟི་བྱིན་བླ་ན་མཐོ།།
ཚན་རྩལ་ཤེས་བྱའི་དབུ་འཕང་མཐོ་ན་ཡང་།།
དུས་ཀྱི་འགྱུར་བག་ཇི་འདྲ་རྒོད་ན་ཡང་།།
སྦྲང་དཀར་རྩམ་པ་ལྟ་བུའི་ཟས་མཆོག་ཅིག།
སྟོང་གསུམ་འཇིག་རྟེན་གང་དུའང་ཡོད་མ་ཡིན།།
དེ་ལྟའི་རང་གི་སེམས་ཀྱི་དྲན་ཚུལ་ཙམ།།
སྙན་པའི་ངག་ལ་བརྒྱུས་ཏེ་བསྲིངས་བ་ན།།
སྦྲང་དཀར་རྩམ་པའི་བཅུད་ལ་སིམ་པ་ལྟར།།
སྙིང་གི་གྲོགས་རྣམས་རྒྱས་པའི་གསོས་སུ་སྨོན།།
དཔའ་བེའུ་ཟིན་བྲིས་ལས་བཤུས།
